هێزەکانی ڕزگاریی عەفرین (هەرەئە) ئەمڕۆ بە ڕاگەیاندراوێک شەهیدبوونی شەڕڤانێکی بە ناوی خەیری کارکەر (سەرحەد نێرگز) ئاشکرا کرد کە ٢٦ ی حوزەیرانی ساڵی ڕابردوو شەهیدبووە و بەشداربووە لە چەندین ئۆپەراسیۆنی سەربازی لە هەرێمە جیاوازەکانی باکوور و ڕۆژهەڵاتی سوریا.

لە ڕاگەیاندراوەکەدا ئاماژە بەوە کراوە، شەهید خەیری بەشداربووە لە چەندین ئۆپەراسیۆنی سەربازی لە هەرێمە جیاوازەکانی وەک دێرک و قامیشلۆ و کۆبانێ، پێش ئەوەی ساڵی ٢٠٢٣ پەیوەندی بکات بە ڕیزەکانی هێزەکانی ڕزگاریی عەفرینەوە، دەڵێت: "شەهید خەیری ڕۆڵێکی کاریگەری هەبووە لە ئۆپەراسیۆنەکان دژی هێزەکانی تورکیا و چەتەکانی لە هەرێمەکەدا".

لە ڕاگەیاندراوەکەدا ئاماژە بەوە کراوە، ئەم شەڕڤانە لەکاتی بەجێگەیاندنی ئەرکەکەیدا شەهیدبووە، تا دوا ساتەکانی ژیانی لە خەمی ڕزگارکردنی عەفرینی لە دڵیدا هەڵگرتووە.

ناسنامەی شەهید بەم جۆرەیە:

ناسناو: خەیری کارکەر جودی

ناو و پاشناو: سەرحەد نێرگز

ناوی دایک: عایشە

ناوی باوک: سەکڤان

شوێن و کاتی شەهیدبوون: ٢٦ حوزەیرانی ٢٠٢٤.