ڕێکوزیاو ژەنە ئازاڎاو کوردستانی(ڕژاک)، ئەرەیاونایەکەنە، باسش کەردەن دماو تیرۊرکەردەی "فریال خالید" ماوەو ٢٥ ڕوان" دلۊڤان ئەکرەم"ە، سەرۊکوو ڕێکوزیاکەی شاروو کەرکووکینە گیریان.  

ڕژاک واتەنش، "پێسە ژەناو پانیشتوو کوردستانی ئجۊما ئا هجوومێ پەی سەروو ژەنە سەرمەشقا فرە ئامانجدار و بەمەبەسا، ئا هەوڵە لەرزۊکا شەرمەزارێ کەرمێ و داوا وەنەو ڕێکوزیایەکاو ژەنا کەرمێ، چەنیما با، هەرپاسە داوا وەنەو دەوڵەتوو عێراقی کەرمێ کە دەموودەس سەرۊکوو ڕێکوزیاکەیما ئازاڎ کەرا".

دەقویاونایەکەو  ڕێکوزیاو ژەنە ئازاڎاو کوردستانی:-

پەی ڕای گردینی …

لاو گرد لێوە ئاشکران، ماوێوەن پانیشتوو کوردستانی و عێراقنە ژەنێ کۊشەرێ کریا ئامانج، ئی ژەنە کۊشەرێ پەی ئازاڎیی ژەنێ و گلێرگەی ساڵانێوەن کۊشیا، بەئامانجگێرتەی ئی ژەنە کۊشەرا بێدەنگکەردەی ژەنان. پێسە وینیا، چەنی شاروو سلێمانیینە بە ڕۊی ڕۊشن گەشمەردە "ناگەهان ئەکارسەل" بە دەسی سیاوو تیرۊرسا و ژەنکوشا کریا ئامانج و گەشمەردێ کریا، بە هەمان شێوە شاروو کەرکووکینە ئی تاوانە قێزەونە لاو تیرۊریستاوە دووەبارە کریاوە و گەشمەردێ "فریال خالید"ە کریا ئامانج و گەشمەردێ کریا.

گەشمەردە فریالە عومرێوە گەنجنە ئاشناو ڕای ئازاڎیی ژەنێ بێ، بەرەو ئازاڎیی ژەنێ وەرنیشتنە، ئەرمەنستاننە وەراوەروو تیرۊستێوە تەرسناک پێسەو داعشینە ڕووبەڕوو مرداوە و کۊشیا.

بکەرا و بکوشاو ئی تاوانە قێزەونا، جە ڕێککەوتەی تورکیای ئەرەگیری و پارتی دیموکراتوو کوردستان “پەدەکە”یۊ دوور نییا. چیڕوانە هاکان فیدان هەڕەشێش وەنەو عێراقی و پانیشتوو کوردستانی کەردێ، ئەردۊغان کوردستانش بە تیرۊرست نامێ نیا و هەڕەشێ هجوومیش کەردێ. دەوڵەتی فاشیستوو تورکی بە نامێ تیرۊریوە، ژەنی کۊشەرێ کەرۊ ئامانج، پەوکای حەر دماو ئا هەڕەشا ئی کردەوە تیرۊریستیەشا کەرد.  

پێسە ژەنا پانیشتوو کوردسانینە لاماوە پاسنەن ئی هجوومێ پەی سەروو ژەنە سەرمەشقا ئامانجدارێ و بەمەبەستێنێ، پەوکای بەتندیی شەرمەزارێشا کەرمێ. پەی عێراقی یاگێ شەرمەزاریینە، کە بکوشا و تیرۊرستا مەگێرۊ، بە پێچەوانە بۊ بە قۊرتێ وەردەموو هەرمانەو ڕێکوزیایی ئێمەنە.

پەی گرد لاێوەش ئاشکرا کەرمێ، سەرۊکوو ڕێکوزیاکەیما ماوەو (٢٥) ڕوان گیریان و بەبێ گێڵایۊین پەی یاسێ و بییەی بەڵگەی، بەرشییەین جە یاسا وەرهەرمانەکاو وەڵاتی.

ئی هەوڵە لەرزیایا شەرمەزارێ کەرمێ و داوا وەنەو ڕێکوزیایەکاو ژەنا کەرمێ چەنیما با. داوا وەنەو دەوڵەتوو عێراقی کەرمێ دەمودەس سەرۊکوو ڕێکوزیاکەیما “دلۊڤان ئەکرەم”ێ ئازاڎ کەرۊ. ڕای گردینیچ هاگادار کەرمێوە ئارۊئێمەنمێ سەبای ڕێکوزیێکێ تەرێنێ، وەختێ ئامانج سەرکوتکەردەی ژەنا بۊ،  مشۊم گردوو ڕێکوزیاەکا هەڵوێستشا بۊ بن و داوا کەرا بەزوویی مامۊستا دلۊڤانە ئازاڎە کریۊ".