ژمارەو ٥٠٦و ڕۆنامەو سەرخۆبوونی بەرشی، چی ژمارەنە هەڵمەتەو ساڵەو ٢٦ـەمینوو پیلانگێڵنیی ١٥ شوباتی بە دروشموو "ئازادیی پەی ڕابەر ئاپۆی، چارەسەری سیاسی پەی پەرسەو کورد"ی کە کریا، چالاکی و مەراسیمەکێ کە  تەماموو مانگەو شوباتینە کریێ، کۆبییەیۆ ناوەندوو کۆڵنی و ڕاپیمای ئازادیی هەنێ.

هەرپاسە چی ژمارەنە نویستەیەکاو ڕابەروو گەلوو کوردی عەبدوڵا ئۆجالانی بە ناموونیشانوو "چەنی جە ڕووەو دلێوە پیلانگێڵنی سەدەی بیاومێنە" و "چا یاگێنە کە وچیۆ حیچ مەکریۆ، من جەنگوو بییەی و ئازادیی کەروو" وەڵا کریانۆ.

حەر چی ژمارەنە نویستەێوە ئەنداموو کۆمیتەو ڕاوەبەریی پەکەکەی دوران کاڵکان بە ناموونیشانوو  "پیلانگێڵنیی میاننەتەوەیی هجوومێوە گەورەن دژوو ئینسانیەتی و ژیوای دیموکراتیکی"  وەڵا کریانۆ.

هەرپاسە؛ ئەنداموو کۆمیتەی ناوەندی پەکەکەی دلزار دیلۆک سەرەنجەش وستێنە سەروو پیلانگێڵنیی میاننەتەوەیی و سیستموو گۆشەگیریی ڕەهای.

چی ژمارەو مانگەو شوباتوو ڕۆنامەو سەرخۆبوونینە، نویستەی یۆ جە ئەرەمەرزناو پەکەکەی عەلی حەیدەر قەیتان بە نامونیشانوو "ڕژێموو حەقیقەتی ئامێتەبییەیی سیاسەتی و هێزی فکریین" هەن.

حەرپاسە ڕۆنامەکەنە شیکاری و نویستەیەکاو جەمال شەریک، ماهیر دۆغان، کەمال کەرار و سەرحەد ماسیسی وەڵێ بیێنیوە.  

متاودێ ڕاو  پەلیانەو ' serxwebûn.org' نویستەیەکاو سەروو ڕۆنامەکەی بواندێوە.