خەڵاتوو فیلمی ئەڵمانیای جە بواروو سینەمای و هونەرینە یۆ جە مەراسیمە گرنگەکاو ئەڵمانیاین، وێرەگاو جومعەی جە بەرلینوو پایتەختوو ئەڵمانیاینە مەراسیمەکە لوواڕاوە، براوەکۍ ئاشکرێ کریێ. ژەنە بەرئاوەرە کوردەکێ چندین خەڵاتێشا بەدەسئاردێ.

فیلموو "جە خاڵەو کۆری"ی بەرئاوەرێ ئایشە پۆڵاتێ خەڵاتوو عالتەرین سیناریۆی و عالتەرین بەرئاوەرۍ و عالتەرین بەرهەمیش بەدەسئاورد.

پۆڵاتە خەڵاتەکەش پێشکەش کەرد بە گردوو ئا ژەنا کە "قارەمانانە پەی دادپەروەری و ئازادیی کۆشیانە". فیلمەکە جە قەرسەنە بەرئامان، باس جە بڕفانای و کوشتەی کوردا کەرۆ جە لایەنوو ژیتەمیوە.

فیلموو "سەرکەوتەی" جە بەرئاوردەی سلێمان یوسفی خەڵکوو دهۆکی، خەڵاتوو عالتەرین فیلموو زارۆڵاش بەدەسئاورد.

حەرپاسە فیلموو "ئیلاها"ی جە بەرئاوردەو میلینا ئابۆیانۍ دووێ خەڵاتێش بەدەسئاردێ.

خەڵاتوو فیلمی ئەڵمانی جە ساڵەو ١٩٥١ یوە دریۆ و جە سینەماو ئەڵمانیاینە پێسە خەڵاتێوە کاریگەری موینیۆ.