کۆمارو ئیسلامی ئێران دماو شۆڕشەکا 'ژەنی ژیوای ئازادی'یۆ فشارەکێش سەرو ژەنا زیاتەر کەردێنێ. دەسەڵاتداری ئێرانی هەڕەشێ جە ژەنا مکەرا و زینانی کەردەی ژەنایچ ئینا پەرەئەساینە. یۆ چا ژەنا کە وەڵتەر ساڵێ زینانیش سەرەرە سەپیابێ و جە گرتووخانەو ئەوینینە دەسبەسەر کریابێ، پارێزنەرو مافەکا مرۆڤی مەریام سادات یەحیایین.

جە دژو سەپناو سزێ جە قەنارەدای و سەپناو سزاو جەقەنارەدای سەرو هەردووە ژەنە چالاکوانێ کوردێ پەخشان عەزیزیێ و وریشە مورادیێ جە لایەنو دەسەڵاتدارا ئێرانیۆ، ژەنە چالاکە مەریام سادات چالاکی شەرمەزارکەردەیش ئەنجامدا.

مەریامە جە چالاکییەکەنە وەردەمو زینانو ئەویینینە لافیتەو "نەخێر پەی جەقەنارەدا"یش بەرزکەردۆ، کە سەرو لافیتەکەیۆ نامێ پەخشان عەزیزیێ و وریشە مورادییش نویسیێ بێ. مەریام ساداتە داواش جە دەسەڵاتو ئێرانی کەرد گرڏو قەرارەکا جە قەنارەدای زینانی سیاسی ژەنێ هورشاناوە.