پەی شەرمەزارکەردەو پیلانگێڵی مییاننەتەوەیی کە جە دژو ڕابەر ئاپۆی ئەنجامدریا، یۆبییەو ژەنە جواناجە شارو قامیشلۆینە ڕاپیمێوە جەماوەریشا ئەنجام دا. جە ڕاپیماکەینە ژەنێ ئاڵاو یۆبییەی ژەنە جوانا و وێنەو ڕابەر ئاپۆیشا هورگێرت.

ڕاپیماکەردێ وەڵێ میانو محەمەد شێخی تاوەکو بازاڕو شارەکەی ڕاشا پیما. جە دماو دەقێوە ڕێز گێرتەی، ئەندامو یۆبییەی ژەنە جوانا بەتول ئەل سەمیرە قسێش کەردەو و پیلانگێڵیش شەرمەزار کەرد.

بەتولە ئاماژەش پانەیەدا کە ڕابەر ئاپۆ پەی گەلەکەیشوێش فیدای کەرد و واتش: "پێسەو ژەنە جوانا و تەمامو ژەنا، چنی فکر و فەلسەفەو ڕابەرەکەیما بیمێ، ئاستو ئەوەکۆشای و مڏرامانما بە هێزتەر مکەرمێ".

جە دماینە بەتول ئەل سەمیرە سڵامش جە مڏرامانو هێزەکا سووریاو دیموکراتیکی (قەسەدە)ی جە بەنداو تشرینی و سردەو قەرەقۆزاقی کەرد و واتش گرڏ کاتێ ئینایمێ چنی جەنگاوەرەکاما