ژەنا و گەنجا عەرەبوو شەنگالی بۆنەو ٢٥ ەمین ساڵیاڎوو پیلانگێڵنیی میان نەتەوەیی ١٥و شوباتیۆ دژوو ڕابەروو گەلوو کوردی عەبدوڵا ئۆجالانی ڕاپیمایشا کەرد و واتشا: "شەو و ڕۆ پۍ ئازاڎیی جەسڎەیی ڕابەر ئاپۆی مدرامان کەرمۍ".
جە ٢٥ ەمین ساڵیاڎوو پیلانگێڵنیی ١٥ و شوباتینە، ژەنا و گەنجا عەرەبوو شەنگالی و دەسوەڵێوستەی گەنجاو عەرەبوو شەنگالی ڕاپیمایشا کەرد.
ڕێپێوانەکە لە بازگەی گوندی خەڵەف بە درووشمی "ئێمەی گەنجانی عەرەب دەبینە بازنەیەک ئاگر لەدەوری ڕێبەر ئاپۆ" و "ئازادی جەستەیی ڕێبەر ئاپۆ مسۆگەر دەکەین" دەستی پێکرد.
"پێسە ژەناو عەرەبی پۍ ئازاڎیی ڕابەر ئاپۆی کۊشیەیمۍ"
بە نامۍ مەجلیسوو ژەناو عەرەبیۆ، فاتمە مستەفا ئەرەیاۋنێوەش وەناوە.
فاتمە سەرنجش وست سەروو پیلانگێڵنی و گۆشەگیری سەروو ڕابەروو گەلوو کوردی عەبدوڵا ئۆجالانی، ئەرەیاۋناش ئی پیلانگێڵییە دژوو گرڎوو گەلا ئازاڎیوازی پێکئاما، واتش: "ئیسە گەلا چێردەسی جە تەماموو جەهانینە بە فیکروو ڕابەرایەتی ۋێشا ڕێک وزا و بەراڕاوە. جە کەسایەتی ڕابەرایەتینە، ئازاڎیی ژەنۍ کریا ئامانج کە جە ڕاو فیکروو ڕابەرایەتیوە ۋێشا جە کۆیلایەتی ڕزگار کەرێنۍ"
فاتمە سەرنجش وست سەروو هجوموو داعشی پۍ سەروو شەنگالی و واوەیش کەردۆ، ئەردۆگان کە پەشگیری داعشی کەرۆ پۍ ڕاگێرتەی جە ئازاڎیی ژەنۍ و گەلا گۆشەگیری سەروو ڕابەروو گەلوو کوردی عەبدوڵا ئۆجالانی تنتەر کەرۊوە، واتش: "پێسە ژەنا عەرەبی ۋێما سەروو فیکر و فەلسەفەو ڕابەر ئاپۆی ڕێکوستەن، شەو و ڕۆ پەشگیری ڕابەرایەتی کەرمۍ و پۍ ئازاڎیی جەسڎەیی ڕابەر ئاپۆی کۊشیەیمۍ".
"بیمۍ بە بازنێوە ئاێر دەوروو ڕابەرایەتیرە"
بە نامۍ دەسوەڵێوستەی گەنجا عەرەبیۆ حەسەن ئەسوەد ئەرەیاۋناش، گێرتەی ڕابەروو گەلوو کوردی عەبدوڵا ئۆجالانی ڕووێوە سیاوبۍ پۍ گەلاو جەهانی و بەتایبەت گەلوو عەرەبی، واتش: "ئێمە پۍ ئازاڎیی ڕابەرایەتی بە درووشمەو "کەس مەتاوۆ ڕۊما تاریک کەرۆ" بەردەوام دلۍ چالاکینە بیمۍ و دەس جە کۊشیای هۊرمەگێرمۍ. پۍ ماڕای گۊشەگیری پێسە گەنجاو عەرەبی بیمۍ بە بازنێوە جە ئاێری دەوروو ڕابەر ئاپۆیرە".
ڕاپیماکەی بە درووشمەو "بێ سەرۆکی ژیۋای مەبۆ" دمایش ئاما.
