کۆمیتەو ژەناو کۆمەڵەی تیرۆرکەردەی ڕۆنامەنویسا گوڵستان تارا و هێرۆ بەهادینێش بە تندی شەرمەزار کەرد و ئەرەیاوناش: مشۆم دەوڵەتی ڕەگەزپەرسوو تورکی وەردەموو دادگاو جەمماوەری ئەرەپڕاینە، جوابوو ئا تاوانا بدۆوە کە کەردێنێش.
کاردایۆکێ وەراوەروو تیرۆرکەردەی گوڵستان تارێ و هێرۆ بەهادینێ، دووە ژەنە ڕۆنامەنویسێ کوردی، کە ڕۆو جومعەی بۆردومانێوە دەوڵەتی ئەرەگیروو تورکینە نزیکوو سەیدسادەقینە گەشمەردێ بیێ بەردەواما و چا چوارچوەنە کۆمیتەو ژەناو کۆمەڵەی (ڕێکوزیای کوردستانیی حزبی کۆمۆنیستوو ئێرانی) ئەرەیاوناێوەش وەڵا کەردۆ.
ئەرەیاونایەکەنە بە ئاماژەدایبە کەردەی ئامانجوو تیمی ڕۆنامەوانیی کۆمپانیاو چەتری ڕۆو ٢٣ێ ئابینە و گەشمەردەبییەی گوڵستان تارێ و هێرۆ بەهادینێ باسوو ئانەیە کریان." ئانە هەوەڵ جار نییەن کە چالاکێ و خەڵکی مەدەنی هەرێموو کوردسانینە مگنا وەروو پەلامارێ جینایەتکارانێ درۆنی و فڕۆکەی جەنگی سوپاو تورکی، دەوڵەتو تورکیای کە دلێ تورکیاینە بە دڕندانەتەرین شێوە گرد مافێوە ئینسانییش وەنەو گەلوو کەردی زەوت کەردەن، وەرپەرسوو شارەوانییەکا و نوێنەری ورچنیاو خەڵکی مکەرۆنە زیندان، بەروو سنوورەکایچۆ دەس جە هیچ جینایەتێوە نمەپارێزنۆ".
ئەرەیاونانیچش: " تەنیا کەوتەیهەرمانەو هێزی بنەناماو جەماوەرییا کە متاوۆ دمایی بە ئی دەسدرێژییا بارۆ، دەوڵەتی ڕەگەزپەرسوو تورکیای سەرەنجام مشۆم جوابوو ئا جینایەتا وەردەموو دادگاو عەدالەتوو جەماوەری ئەرەپڕاینە بدۆوە."
ئاخریچۆ ئەرەیاونانش بەتندی ئا تاوانا شەرمەزارێ مکەرا و سەرەوەسی جە هامڕایا، هامپیشەکا و بنەیانەو گەشمەردا گولستانێ و هێرۆی مکەرا.
