کۆمەڵەو ژەناو زنوبیای ئەرەیاوناێوەشا پەی ڕای گردینی وەڵا کەردۆ، دلێشنە داواشا کەردە دەمودەس  دۆخوو تەندروسیی ڕابەروو گەلوو کوردی عەبدوڵا ئۆجالانی ئاشکرا کریۆ، ئەرەیاونایەکە لاو ئەنداموو مەکتەبوو پەروەردەی جە مەجلیسوو کۆمەڵەو ژەناو زنوبیای، ئەمەل عەلی-ێوە ونیاوە.

ئەرەیاونایەکەنە گۆشەگیریی سەروو ڕابەروو گەلوو کوردی عەبدوڵا ئۆجالانی شەرمەزار کریا و ماچۆ: "ئی هەرمانێ بەروزێ ئاوابییەی تێگە ئەخلاقییەکا و گەندەڵبییەی بەها و پرەنسیپەکاو مافوو ئینسانینێ".

داوا کەرۆ دەمودەس دۆخوو ڕابەروو گەلوو کوردی عەبدوڵا ئۆجالانی ئاشکرا کریۆ، ڕا بە بنەیانە و پارێزنەرا بدریۆ سەرش بدا،  وەرپەرسبییەی پاشێلکارییەکاو دەسەڵاتوو تورکی وەراوەروو ڕابەروو گەلوو کوردی عەبدوڵا ئۆجالانی وزا گەردەنوو سی پی تی.

هەرپاسە ئەرەیاونایەکە داوا کەرۆ کۆشیای گەورەتەر کریۆ، چونکوم دۆخوو زیندانوو ئیمراڵی مایێ ئەوپەڕوو نیگەرانیینە.