نویسگەو ئامەدووکۆمیسیۆنوو مافەکاو ژەنا، بە بۆنەو دەسپەنەکەردەی ساڵێوە دادوەرییوە، وەردەموو دادگاو ئامەدینە، ئەرەیاوناێوەش واناوە و تیشکەش وستە سەروو تندوتیژیی دژوو ژەنا جە سیستمی سیاسیینە.

ڕاوەبەراو کۆمەڵەو ژەناو ڕۆسای و ژماریوە پارێزنەرێ بەشدارێ ئەرەیاونایەکەی بێنێ. پارێزنەر جانسەل ئاتالای ئەرەیاونایەکەیش واناوە و ئەرەیاوناش ژەنی بە دەسەڵاتە هەژموونگەرە نۆعاونۆعەکاو پیایا تەقوقە دریێنێ. تەنیا مانگەو ئابینە ٣٣ ژەنێ پیایەکاشا کوشتێنێ و ٢٤ ژەنێ بە گوماناوی گیانشا جەدەس دا. ڕوانە لاو کەمیوە ٥ ژەنێ مکوشیا. ئاتالای ئەرەیاوناش پەی ڕاگێریکەردەی جە تندوتیژیی دژوو ژەنا،هیچ ڕاکارێوە نەگیریانرە وەر. سیاسەتوو دەربازبییەی جە سزێ، جە کەیسوو تندوتیژیی ژەنانە پیادە مکریۆ، واتش:" ئی یاسێ هەوڵێ وەڵێوەبەردەیش مدەیمێ، ئێمە نمەپارێزنۆش، گردما ئینایمێ چێروو هەڕەشانە".