بۊنەو ٧٥ ەمین ساڵڕۆو جە ئەڎابیەو ڕابەروو گەلوو کوردی عەبدوڵا ئۆجالانیوە، چنڎین چالاکیۍ ئەنجام مڎریا. شاروو برێمەنوو ئەڵمانیاینە ژەنی بۊنەو ٧٥ ەمین ساڵڕۆو جە ئەڎابیەو ڕابەروو گەلوو کوردی عەبدوڵا ئۆجالانیوە، کارتێشا کیاستۍ و نەمامێشا نیۍ.

هامسەرۆکەو مەجلیسوو گلێرگەو کوردی دیموکراتیکی برێمەنی خەزال یاڵچینە واتش: "ڕۊو جە ئەڎابیەو ڕابەرایەتی، هاموەخت ڕۊو جە ئەڎابیەو ژەنا و مرۆڤایەتییا".

واتەواچەو مەجلیسوو ژەنا سێڤێ، ئەمینە چەولیگە دماو نیاو نەماما واتش: "ئەگەر ڕابەرایەتی ئازاڎ بۆ، ژەنیچ ئازاڎۍ با، گەلوو کوردیچ ئازاڎ بۆ.

ئەندامەو کۆنگرەو ستاری ئەڎا سەلیمە، واتەواچەو کۆمیسۆنوو بنەیانەو گەشمەرڎا برێمەنی ئەڎا خەیسە، ئەندامەو مەجلیسوو ژەنا سێڤێ دایکە خەجێ، ڕۊو جە ئەڎابیەو ڕابەروو گەلوو کوردی عەبدوڵا ئۆجالانیشا پیرۆز کەرد و پەیاموو ئازاڎیشا دا.