ڕۊزەرێن چوکورە یاڎە کریاوە
ڕۊزەرێن چوکورەی (١٦) ساڵ، سەروو قەبرەکێشۊ یاڎە کرایەوە، کە ٨ کانوونوو دووەموو ٢٠١٦ وەختوو مدرامانوو وێڕاوەبەرییینە مەنتێقەو سوروو ئامەدینە بە گولەو دەوڵەتوو تورکی ئەرەگیری کوشیا.
ڕۊزەرێن چوکورەی ١٦ ساڵە و وانیارەو قۊناغوو ئامادەیی جە ٢٠١٦ بە گولەو دەوڵەتوو تورکی کوشیا.
٨هەمین ساڵیاڎوو کوشتەیشنە ویر نەشیۊ، فەخریەی ئەڎاش و مسەفای تاتەش لوۍ سەروو قەبرەکێش قەبرسانوو هەریدانوو پیرانینە.
فەخریەی ئەڎاش وەڵتەر کناچەکێش کیانێبۍ مەکتەب و دماتەر هەواڵو کوشتەیش پەی ئاماوە پاسە قسێش کەرێ:
" گەورەتەرین وەرموو کناچەکێم ئانە بۍ بۊ بە دکتۊرە و یاردەی خەڵکی بۊ، وەلۍ کوشتەشا. ماوەو ٨ ساڵان دەنگش نەمەنەن چی. کناچۍ من تیرۊرسە نەبۍ، قەڵەم و دەفتەرش پەنە بێ. گەشمەرڎی کوردسانینە. تا من ساقە بوو مەونە و یاڎش کەرووە، وەسێت کەروو وەختۍ مەرڎا پاڵشنە بنیام".
