زیڼانیا دۆزو پەکەکەی و پاژکی جە ساڵوەگەڕو پیلانگێڵنینە ئەرەیاۋنێوەشا دا و واتشا: "ئانەی داواو ئازادی، دادپەروەری و مافی مکەرۆ، پەنەوازا ڕووە ۋنەو ئیمراڵی بکەرۆ. ڕابەر ئاپۆ کرێڵو چارەسەری قەیرانەکان."
دەنیز کایا بەنامۍ زیڼانیا دۆزو پەکەکە/پاژکی-ۆ بۆنەو ساڵەوەگەڕو پیلانگێڵنی مېیاننەتەوەیی ٩و تشرینو یووەم و ١٩٩٨یوە ئەرەیاۋنێوەش دا.
جە ئەرەیاۋناکەینە ئاماژە پانەی کریان کە هێزە مېیاننەتەوەییەکۍ فشارشا کەرد پەی بەرکەردەی ڕابەر ئاپۆی جە ۋەرکۊتوو مېیامینینە و پی جۆرە هەوڵشادا ۋەرکۊتوو مېیامینی بە پاو ویستو ۋێشا دیزاین بکەرا. بە پیلانگێڵنی ٩و تشرینو یووەمی جە کەسایەتی ڕابەرو گەلوو کوردی عەبدوڵا ئۆجالانینە جە دژوو گەلا چێر دەسەی و ۋەرکۊتوو مېیامینی پرۆسەو پیلانگێڵنیشا دەسپنەکەرڎ و ئانەیچ ئەرەیاۋییان: "عال هێزەکاو گلادیۆو ناتۆی مشناسمۍ کە بەشدارۍ ئی پلانەیە بێنۍ. هێزەکا پیلانگێڵنیەکەی بەنەفرەت مکەرمۍ و هەمڕایاما پەی دلېنەبەردەی پیلانگێڵنی بە دروشمەو 'شمە نمەتاودۍ ڕۆما تاریک بکەردۍ' ۋێشا فیداییکەرد، بە رێز و پنەزانایۆ یاڎۍ مکەرمېوە. قەولما واوەی مکەرمێوە کە پەی مسۆگەرکەردەی ئازادی جەسەیی ڕابەر ئاپۆی ئەرەکۊشایما جە ئاستی فیدایینە پەرە پنە بڎەیمۍ."
جە ئەرەیاۋناکەینە ئاماژە پانەی کریان کە دماو ئانەی هرووژمەکۍ ساڵەو ١٩٩٠ی جە دژوو ڕابەرو گەلوو کوردی، پەکەکەی، گەریلای و گەلی کۊششکاری شکسشئارڎ، ئیجارە بە ستراتیجییوە هرووژمێشا جە دژو ڕابەرو گەلوو کوردی بە پیلانگێڵنی مېیاننەتەوەی دەسپنەکەرڎ.
وە هەر جە ئەرەیاۋناکەینە ئاماژەیچشا پانەی کەرڎەن کە پیلانگێڵنیی مېیاننەتەوەیی هرووژمێوە سیاسی و عەقڵێتێوە پا جۆرەنە کە گەرەکش نیا کورڎەسان ئازاد بۆ و تورکیای و ۋەرکۊتوو مېیامینی دیموکراتیک بۆ.
جە دمادمایی ئەرەیاۋناکەینە جارێوەتەر پیلانگێڵنیی ٩و تشرینو یووەمی بەنەفرەت مکەراو ماچا،" قەولما واوەی مکەرمێوەکە حەقە جە هێزە پیلانگێڵنەکا و هامکارەکاشا بکەرمێوە. داوا جە گەلەکەیما، جە ژەنا، جوانا و ڕای گرڎیی دیموکراتیکی مکەرمۍ کە خاوەنداری جە هەڵمەتەو ئازادی پەی ڕابەر ئاپۆی بکەرا."
