پەڕلەمانتارەو ئیلحوو دەم پارتی زەینەب ئۆدونجوە باسش جە گرنگی ئازاڎیی جەسڎەیی ڕابەروو گەلوو کوردی عەبدوڵا ئۆجالانی کەرد و ئاماژەش پانەی دا؛ هەروەختۍ گۆشەگیری دمایش پنە ئاما گەلا متاوا بە ئازاڎیی هەناسێوە بڎا.
ڕاپیماو ڕاپیماکەرا ئازاڎیی کە جە وان و قەرسۆ کۆتۍ ڕا، بەردەواما. پەڕلەمانتارەو ئیلحوو دەم پارتی زەینەب ئۆدونجوە جە بارەو ڕاپیماکەیۆ قسێش کەردۍ و ئاماژەش پانەی دا کە ڕاپییماکەی بەسەرکەوتەیۆ دمایش مۍ و واتش: "پۍ بنیاڎنیای وڵاتێوە یەکسانی پۍ گەلا کوردسانی، هەنگامەی پێویسە ئازاڎیی جەستەی بەرێز ئۆجالانیا. پی دروشمۆ دەسما پنەکەردەن. وەڵتەر قۆناغێوە چارەسەری بۍ و ئا قۆناغۍ جە بەین بریا. حەرچنە پۍ گەلاو تورکیای فرە گرنگ بۍ. داخەم مەشۆ دەسەڵاڎداری قۆناغەکێش جە بەین بەردە. حۊڵ مڎۆ گرڎوو گەلا تورکیای وزۆ دلۍ تاریکییوە. زووۆن ماچمۍ ئازاڎیی بەڕێز ئۆجالانی پۍ گەلا تورکیای چن گرنگا. داخەم مەشۆ زیاتەر جە ٣٥ مانگان زانیاری جە بارەو بەڕێز ئۆجالانیوە نیا".
'دەوڵەتوو تورکی حەزش بە فراوانکەردەی سیاسەتوو جەنگیا'
زەینەبە سەرنجش وست سەروو کاریگەری گۆشەگیری سەروو گەلا تورکیای و واتش: "پۍ ئازاڎیی بەڕێز ئۆجالانی بە ملۋێنان کەسۍ واتشا ئیراڎەو ئێمەن. دەسەڵاڎداری ئی ئیراڎەیە قبوڵمەکەرۆ، وەبەرئاردەی ۋێش سەروو حەق کەردەیۆ جە کوردا کەرد و بە گۆشەگیری بەڕێز ئۆجالانی حۆڵ مڎۆ جە تورکیانە سیاسەتوو جەنگی فراوان کەرۆ. جە تورکیانە قۊرتەکۍ پەروەردە، تەندوستی. بێ سزا ئاستەیۆ کوشتەی ژەنا گرڎ لکەدریۍ یۊترینینۍ. گەر بەرەو ئیمراڵی کریۊوە و گۆشەگیری دمایش بۍ، گەلاو تورکیای هەناسێوەشا ۋەرەرە مێوە".
'بە هیوایۍ گۊرۆ پێشوازیما ۋنە کریا'
ئۆدونجوە جە دمادمایی قسەکاشەنە واتش: "گرڎ وەختۍ داواو گەلوو کوردی ئازاڎیی بەڕێز ئۆجالانی و بەدەسئاردەی ستاتیۆیێن پۍ گەلوو کوردی" حەرپاسە ئانەش بەروست بە جۆش و خرۆشۆ پێشوازایشا ۋنە کریان و هیوا و داواو گەلاو مسۆگەرکەردەی ئازاڎیی جەسڎەیی بەڕێز ئۆجالانی و وڵاتێوە یەکسانا".
