مانگێرتەی جە وارڎەی بەنۊرەی، کە پەی ئازاڎیی جەستەیی ڕابەرو گەلو کوردی عەبدوڵا ئۊجالانی زیندانەکانە دەسش پەنە کەرڎەن، ئینا جە دەیەمین ڕۊشنە. زیندانییاو زیندانو ژمارە 1 ئاسایشو باڵاو ئامەدی، کە مانشا جە وارڎەی گێرتەن، پەیامێوەشا سەبارەت بە چالاکییەیشا وەڵا کەرڎۊ.  

 جە ئەرەیاونایەکەینە ئاماژە پانەیە کریان، کە ڕابەرو گەلو کوردی عەبدوڵا ئۊجالان ماوەو ٢٥ ساڵان  دوورگەو ئیمرالیینە گۊشەگیر کریان، ماوەو ٣ ساڵان ڕا مەدا حیچ زانیاریێوە لاو بەڕێزیشاوە بزانیۊ.

هەرپاسە دەسنیشان کریان، کە ئینسانو کورد، ئاشووری، تورک، فارس، ئەرمەنی، لاز و گرڎوو دۊسا ئانەن کە بزانا ئیتر وەراوەرو ئا گۊشەگیرییە قورسەیۊ وێشا گێرا و ماچا:"ئێمە پێسە زیندانییە سیاسییاو کوردی، ئەرەیاونمێش هەڵمەتەو' ئازاڎیی پەی ڕابەر ئاپۊی، چارەسەر پەی پەرسەو کوردی، کە گەلەکەما گرڎو چوارگۊشەو جیهانینە دەسش پەنە کەرڎەن، ئێمە جە هیچ فەداکارییێوە مەگێڵنۊوە، بۊنەو بارودۊخو زیندانیوە دەرفەتەکێما کەمێنۍ. بۊنەو کرڎەوە دژە دیموکراتیکەکاو دەسەڵاتیوە، ڕێباز و بەدیلەکێما کەمێنۍ، پەوکای دەسما بە مانگێرتەی نۊبەیی جە وارڎەی کەرڎەن."

 ئەرەیاونایەکە داواش وەنەو لایەنگێراو ئاشتی، دیموکراسی و پارێزواناو بەهاکاو گلێرگەی ئازاڎیی کەرڎێنە کە بەشڎاریی کارا چی پڕۊسەیەنە برمانا و ماچا"پێسە زیندانییە سیاسییا ئەرەیاونمێش، کە بە گرڎ نۊعە وەرپەرسبیەێوە وەراوەرو ئازاڎیی ڕابەری نەتەوەیی و چارەسەری دیموکراتیکو پەرسەو کوردیوە، دەور گێڵنمۍ و ئجۊما گەلەکەما سەر گنۊ سەر."