بەمەبەستی پیرۆزبایی چلەمین ساڵیادی ١٥ی ئاب لە ئۆسلۆی پایتەختی نەرویژ سمینارێک بەڕێوەچوو، سمینارەکە  بە خولەکێک بێدەنگی بۆ ڕێزگرتن لەیادی شەهیدانی شۆڕشی ئازادیی کوردستن دەستیپێکرد و دواتر هاوسەرۆکی ناوەندی کۆمەڵەی دیموکراتیکی کورد لە ئۆسلۆ (نەدەکە-ئۆسلۆ) ئەندام ئاسۆ قسەی کرد و هەڵمەتی ١٥ی ئابی لە رێبەری گەلی کورد عەبدوڵا ئۆجالان، بنەماڵەی شەهیدان و گەلی وڵاتپارێزی کوردستان و دۆستانی گەلی کورد پیرۆز کرد.

سیاسەتمەدار و نوسەر جەلالەدین دەلیباش لە سمینارەکەدا قسەی کرد و باسی لە گرنگی مێژویی ١٥ی ئاب کرد.

سمینارەکە بە نمایشکردنی بەڵگەفیلمێک لەبارەی ١٥ی ئاب کۆتایی هات.