١٨هەمین کۆنفرانسی نێونەتەوەیی لەسەر ناوی "یەکێتی ئەوروپا، تورکیا، ڕۆژهەڵاتی ناوەڕاست و کورد" بەڕێوەدەچێت. کۆنفرانسەکە لە ڕۆژانی ٦ و ٧ی کانوونی یەکەمی ئەمساڵ بەڕێوەدەچێت.

 بەشێکی زۆر لە پەرلەمانتاران، سیاسەتمەدار، ئەکادیمیست، پارێزەرانی مافی مرۆڤ، پارێزەران و ڕۆژنامەنوسان بەشداری کۆنفرانسەکە دەکەن.

وتارەکانی کۆنفرانسەکە بە زۆر زمان وەردەگێڕدرێن، لەوانەش زمانی کوردی. دانیشتنەکانی ڕۆژی یەکەم لە ٦ی کانوونی یەکەم لە نێوان کاتژمێر ١٦:٠٠ بۆ ٢٠:٠٠ بەڕێوەدەچن.

سەرۆکی کۆمیسیۆنی هاووڵاتیانی تورکیا لە نەرویج و ئەکادیمیست لە زانکۆی بەرگەن، کاریان وێسترهایم، جێگری سەرۆکی پەرلەمانی ئەوروپا لە گروپی چەپ، دیمیتریۆس پاپادیمۆلیس، ئەندامی پەرلەمانی ئەوروپا لە نەمسا، ئەندریاس شیدەر، لە یەکێتی پێشکەوتنخوازانی دیموکرات و سۆسیالیستەکان، لە سەرەتای کۆنفرانسەکەدا وتار پێشکەش دەکەن.

بابەتەکانی کۆنفرانسەکە بریتن لە؛ دوایین ھەڵبژاردنی گشتی تورکیا و ڕووداوەکانی دوای ھەڵبژاردن، دۆخی ئۆپۆزسیۆن، پەیوەندییەکانی نێوان تورکیا و یەکێتیی ئەورووپا، نزیکبوونەوەی یەکێتیی ئەورووپا لە پرسی کورد، پەیماننامەی لۆزان لە ١٠٠ ساڵەی خۆیدا، گۆشەگیری ئیمرالی، قەیرانی ناتۆ - سوید، پرسی ژنان، چارەسەری کێشەی ئیکۆلۆژی و کوردان دەخرێنە بەر باسەوە.