هێرشەکانی تورکیا بە پشتیوانی پەدەکە بۆ سەر هەرێمی باشووری کوردستان بەردەوامە. بەپێی هەواڵی ڕۆژنیوز کە لە سەرچاوە هەرێمیەکانەوە گەیشتووە، فڕۆکە جەنگییەکانی سوپای داگیرکەری تورک هەرێمی برادۆستیان بۆردومان کردووە.

هەروەها راگەیاندراوە کە فڕۆکەکان بە توندی ناوچەکانی سنین، تەنگیا سنگا و لۆلانیان لە دەوروبەری برادۆست بۆردومانی کردووە. ڕاگەیەندراوە کە بەهۆی بۆردومانەکەوە ئاگر لە ناوچەکە کەوتووەتەوە، بەڵام هیچ زانیارییەک لەسەر زیانەکان هێشتا بەدەست نەکەوتووە.