دەوڵەتی تورک 'رێکاری یاسایی' لە دژی هاوسەرۆکی دەم پارتی دەگرێتەبەر
وەزارەتی ناوخۆی دەوڵەتی تورک رایگەیاند، کە لە دژی هاوسەرۆکی گشتیی دەم پارتی تونجەر باقرخان و هاوسەرۆکی مێردینی دەم پارتی محەمەد مەهدی تونچ 'رێکاری یاسایی'یان دەستپکردووە.
وەزارەتی ناوخۆی دەوڵەتی تورک رایگەیاند، بە هۆی لێدوانەکان لە بارەی دانانی قەیومەوە 'رێکاری یاسایی'یان دەستپێکردووە.
راشیگەیاندووە، لەو چوارچێوەدا سەبارەت بە هاوسەرۆکی گشتیی پارتی دیموکراسی و یەکسانی گەلان (دەم پارتی) تونجەر باقرخان و هاوسەرۆکی مێردینی دەم پارتی محەمەد مەهدی تونچ بە هۆی وتە و لێدوانەکانیان لە ٤ ی تشرینی دووەمدا دەستیان بە گرتنەبەری 'رێکاری یاسایی' کردووە.
