لە چوارچێوەی گەشتی ئازادی کە ١٠ ی شوبات لە شاری مانهایمی ئەڵمانیا دەستی پێ کرد، لە کاتژمێرەکانی سەرلەبەیانی گەیشتە فریدریشتاڵ.

گەنجان سڵاویان لە ڕێپێوانەکانی چوار پارچەی کوردستان و ئەوروپا کرد و پەیامیان دا بۆ ئازادی جەستەیی ڕێبەری گەلی کورد عەبدوڵا ئۆجالان.

سەرەڕای هەلومەرجی کەشوهەوا، گەنجان پیلانگێڕیی نێونەتەوەیی ١٥ ی شوبات و گۆشەگیرییان شەرمەزارکرد.

گەنجان چەندین جار درووشمی "ئازادی بۆ ڕێبەر ئاپۆ" و "بژی سەرۆک ئاپۆ" و "بێ سەرۆک ژیان نابێ"یان بەرزکردەوە.

دوایین وێستگەی ئەم ڕێپێوانەی کە ١٧ کیلۆمەتر دەخایەنێت، شاری ساربروکن دەبێت.

سەرەڕای کەشوهەوا چالاکییەکە بە جۆشوخرۆشەوە بەردەوامە و رۆژەکە بە شەوێکی مۆراڵی کۆتایی دێت.

گەنجان دەستنیشانیان کرد کە ڕێپێوانی ١٧ ی شوباتی کۆڵن بۆ گەلی کورد قۆناغێکی گرنگە و بانگەوازیان لە گەل و دۆستانی کوردستان کرد بەشداری ڕێپێوانەکە بکەن.