جەنگاوەرنای دەلیلا مەیاسەری بزوتنەوەی شۆڕشی یەکگرتووی ژنان (کەبەدەهە) سەبارەت بە چالاکییەکەیان راگەیەندراوێکی بڵاوکردەوە. جەنگاوەرانی کەبەدەهە رایانگەیاند، "لە دژی داگیرکەری و خیانەت ئەوان لە ٢٥ی ئابدا کارگەی کەلوپەلەکانی ژێرزەمینی هۆتێل بەرنیان لە شەقامی گورانی ناوچەی فاتح لە ئیستەنبوڵ سوتاندووە".

لە راگەیەندراوەکەدا هاتووە، "لە چالاکی وەڵامدانەوەی تیرۆرکردنی گوڵستان تارا و هێرۆ بەهادین کە لە سلێمانی لەلایەن دەوڵەتی تورکی فاشیستەوە تیرۆرکران، کۆگاکە بە تەواوەتی سوتا و ئەوە یەکلابووەوە کە گەشتیاران هۆتێلەکەیان جێهێشتووە".

جەنگاوەرانی کەبەدەهە رایانگەیاند، "رژێمی داگیرکەری فاشیستی ئاکەپە-مەهەپە ئەگەرچی بە تایبەتی پێشەنگانی تێکۆشانی ئازادی ژن دەکەنە ئامانج، ئەوان لە دژی هەموو رێبوارانی ئازادی و تێکۆشانن. لە دژی هەموو ژنان هێرشی پلانبۆداڕێژراو و چالاکی شەڕی تایبەت ئەنجام دەدەن. رژێمی دەوڵەتی تورکی کۆلۆنیالیست و هەموو ئەوانەی کە هاوبەشی ئەم شەڕە چەپەڵەن، باجی ئەو هێرشانە دەدەن".