کۆمەڵەی ئیسلامی کوردستان (جیک) بە راگەیەندراوێک هێرشەکەی ئیسرائیلی بۆ سەر نەخۆشخانەیەکی غەززەی شەرمەزار کرد، کە بەهۆیەوە سەدان کەس گیانیان لەدەستدا.

لە راگەیەندراوەکەدا هاتووە، دەوڵەتی ئیسرائیل هێرشی کردووەتە سەر نەخۆشخانەیەکی غەززە و بەهۆیەوە سەدان کەسی بێ تاوان ژیانیان لەدەستداوە. جەختیشی لەوە کردووەتەوە کە پرسی فەلەستین داوای ئازادی و مافە.

'دەوڵەتە ستەمکار و بکوژەکان ناتوانن ئەم پرسە چارەسەر بکەن'

لە راگەیەندراوەکەدا هاتووە:

"بح چارەسەرکردنی ئەو کێشەیە دەبێت هەموو کەس دەستبەجێ لە چوارچێوەی ماف و یاسادا مامەڵە لەگەڵ ئەو کێشەدا بکرێت. دەسەڵاتدارە ستەمکار و بکوژەکان ناتوانن ئەو کێشەیە چارەسەر بکەن. مسوڵمانان، یەهودییەکان، مەسیحیەکان، ئێزییەکان، دروزییەکان و مرۆڤەکانی شوێنکەوتووی ئایینەکانی دیکە دەبێت قەبوڵی بکەن کە ئەو کێشەیە، کێشەیەکی ئایینی نییە. تورکیا، ئێران، عێراق و سوریا هەموو رۆژێک بە سەدان مرۆڤ دەکوژن، هەربۆیە ئەستەمە بتوانن ئەو کۆمەڵکوژیە رابگرن. ئێمە وەک کەسانی باوەڕمەند دەبێت هەرگیز گوێ لەو دەوڵەتانە نەگرن و نەبنە ئامرازی سیاسەتەکانیان. دەبێت ئێمە بۆ دامەزراندنی هەلومەرجی ژیانی ئاشتیان، تێبکۆشین".