لە بێرنی پایەتختی سویسرا بۆ یادکردنەوەی ئارارات زەرزان (بێریڤان ئونال) کە لە هەرێمەکانی پاراستنی میدیا شەهید بوو، مەراسیمێک ئەنجامدرا. مەراسیمەکە لە کۆمەڵەی کەلتوری کوردی بێرن ئەنجامدرا. لە زۆر شوێنی سویسرا کوردستانیان و خانەوادەی شەهید بەشداریان لە مەراسیمەکەدا کرد. هۆڵی بیرهێنانەوەکە بە وێنەکانی شەهید رازێنرانەوە و مەراسیمەکە بە خولەکێک رێزگرتن دەستیپێکرد.
 

زاگرۆس گارزان سیاسەتمەداری کورد لە یادکردنەوەکەدا قسەی کرد و رایگەیاند، ئەوەی دەکەوێتە سەر شانیان ئەوەیە کە خاوەنداری لە میراسی شەهیدان بکەن و تێکۆشانیان گەش بکەن.

ئاسمین ئەنگین لەسەر ناوی تەڤگەری ژنانی کورد قسەی کرد و یادی شەهیدانی تێکۆشانی ئازادی کوردستانی کردەوە بە تایبەتی شەهیدانی بەرخۆدانی زاپ. وتیشی ئەم سەدەیە بۆ گەلی کورد سەدەیەکی زۆر گرنگە و ئاماژەی بەوەکرد کە دەوڵەتی تورک هێرش دەکاتە سەر بەهاکانی نەتەوەیی کورد و پێویستە لەم قۆناغەدا هەموو کەسێک بەرپرسیاری مێژوویی خۆی جێبەجێ بکات.

سلێمان ئالبێرت رویاهی نوێنەری یەکێتی سوریانەکانی ئەورۆپا رایگەیاند، بۆ کۆتاییهێنان بە عەقڵیەتی دواکەوتویی، پێویستە تێکۆشان بکرێت و باسی ئەوەی کرد کە پێکەوە کۆتایی بەم توندوتیژیە دەهێنن و بەرپرسیاری ژنانی کوردیش بۆ هەموو گەلان دەبێتە هیوا و ئۆمێد.

دواتر شیعر بۆ ئارارت زەرزان خوێندرایەوە. مەراسیمەکە بە نمایشكردنی بەڵگەفیلمێک لەبارەی شەهید ئارارات زەرزان کۆتایی هات.

ف.ق