لە هێلسنکی چالاکی بۆ پشتیوانیکردن لە گەلانی ئێران بەڕێوەچوو
لە هێلسنکی چالاکییەک بۆ پشتیوانی لە بەرخۆدانی گەلانی رۆژهەڵاتی کوردستان و ئێران رێکخرا.
لە شاری هێلسنکیی پایتەختی فینلاند، بەبۆنەی چەلەی شەهیدبوونی ژنی کورد ژینا ئەمینی-یەوە چالاکییەک ئەنجامدرا.
کورد لەگەڵ دۆستەکانیان لە ناوەندی هێلسنکی لە گۆڕەپانی نارینکاتۆری کۆبوونەوە.
چالاکییەکە لەلایەن کۆمیتەی پەژاک و کەژارەوە ڕێکخرابوو و ڕاگەیەندراوێکیشی تیادا خوێندرایەوە. لە راگەیەندراوەکەدا هاتووە، گەلانی ئێران زیاتر لە چل ڕۆژە لەسەر پێی خۆیانن و داوای دیموکراسی و ئازادی دەکەن.
چالاکوانان دروشمی پشتیوانیکردن لە بەرخۆدانی گەلی ڕۆژهەڵاتی کوردستان و ئێرانیان دەوتەوە.
ژ.ت
