ئەمڕۆ لە شاری لەندەن، دژی هێرشی پۆلیسی بەریتانیا بۆ سەر ناوەندە کۆمەڵایەتییەکان و چالاکییە سیاسییەکانی، چالاکییەکی ناڕەزایەتی بەڕێوەچوو، ئەم هەڵوێستە نادیموکراسییانەی پۆلیسی بەریتانیا شەرمەزارکرا.

چالاکییەکە لەسەر بانگەوازی یەکێتیی ڕێکخراوە دیموکراتیکییەکانی بەریتانیا (دەگەبە) ئەنجامدرا، دژی هێرشەکەی شەوی ١٦ ی تشرینی دووەمی پۆلیسی هارینگەی بۆ سەر کۆمەڵەی کوردی لەکاتی بەڕێوەچوونی جەژنی ژیانەوە و ساڵیادی دامەزراندنی پەکەکە، کە تێیدا چەندین ژن و مناڵ برینداربوون، ماڵی گەل لە بەریتانیا و جڤاکی ئازاد و کەژار و تەڤگەری ئازادی کۆمەڵگەی کوردستان و چەندین کەسێتی ئازادیخواز و دیموکراتیخواز، بەشداری چالاکییەکە بوون.

چالاکوانان لە هارینگەیەوە تا شەقامی وید گرین ڕێپێوانیان کرد، لەوێش گردبوونەوەیەکیان ئەنجامدا.

چالاکوانان ئاماژەیان بەوە کرد، ڕێگرییەکانی پۆلیسی بەریتانیان بەرامبەر ناوەندە کەلتوورییەکان و چالاکییە دیموکراسییەکانی گەلی کورد زیادی کردووە.

لەکۆتایی چالاکییەکەدا، هاوسەرۆکانی جڤاکی ئازاد و ژنانی بەریتانیا و تەڤگەری گەنجانی شۆڕشگێڕ، ڕاگەیاندراویان خوێندەوە و درووشمەکانی "بەرخۆدان ژیانە" و "ژن، ژیان، ئازادی" و "پەکەکە گەلە، گەل لێرەیە" و "بژی ڕێبەر ئاپۆ" و "شەهیدان ڕووناکی ڕێگامانانن" بەرزکرایەوە.