چالاکییەکانی کۆمیتەی ئازادی بۆ ئۆجالان لە ئیتاڵیا، لە چوارچێوەی هەڵمەتی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" بەردەوامە، لەو چوارچێوەیەدا، لە ١٤ ی تشرینی دووەم لە زانکۆی ڕۆما بە ناونیشانی "زیندانیانی سیاسی و سیستەمی زیندان لە تورکیا" کۆنفرانسێکی دوو بەشی بەڕێوەدەچێت.

پارێزەرانی ڕێبەری گەلی کورد عەبدوڵا ئۆجالان و سیاسەتمەدار و هونەرمەند و نوێنەری پارتە سیاسییەکان و یاساناسانی ئیتاڵیا بەشداری کۆنفرانسەکە دەبن.

لە ڕاگەیاندراوی کۆمیتەی ئامادەکار ئاماژە بەوە دەکات، تورکیا لە هەموو قەیرانەکان بەنیازە خۆی وەک دەوڵەتێکی بێلایەن و نێوانگر و پارێزەری مافی مرۆڤ و پێشەنگ دەربخات. کەچی فشار و توندوتیژی و گۆشەگیری دەخاتە سەر هەموو چالاکوان و سیاسەتمەدار و ناڕازییەک. بەتایبەت گۆشەگیری سەر ڕێبەری گەلی کورد عەبدوڵا ئۆجالان و هاوڕێ زیندانییەکانی.

هەروەها ئاماژە کراوە بە هێرش و پێشێلکارییەکانی دەوڵەتی تورک لە ڕۆژئاوا، لە بەئامانجگرتنی خەڵکی سڤیل و ژێرخانی مەدەنی و سەرچاوەکانی ژیان.

بەشدارانی کۆنفرانسەکە بەم جۆرەن:

بەشی یەکەم:

پرۆفیسۆرانی زانکۆ ڕۆما، ئینریکا ڕیگۆ و مافناس ماورا پاڵما

جێگری سەرۆکی گشتی هاوپەیمانیی چەپ و سەوزەکان، مارکۆ گریماڵدی

پەرلەمانتاری هەدەپی شەرناخ، نەورۆز ئویساڵ

پارێزەری ڕێبەری گەلی کورد عەبدوڵا ئۆجالان، فایەق ئۆزگور ئەرۆڵ

پارێزەری ڕێبەری گەلی کورد عەبدوڵا ئۆجالانی ئیتاڵی، ئەرتۆرۆ سالێرنی

بەشی دووەم:

کاریکاتۆریستی ئیتاڵی زەرۆکالکار

سەرۆک شارەوانی سێیەمی ڕۆما، ئەمێدۆ جیاجێری

ئەندامی تەڤگەری ژنانی کورد، زیلان دیار

وتەبێژی کۆمیتەی ئازادی بۆ عەبدوڵا ئۆجالان و سیناتۆری پێشوو، جیۆڤانی ڕوسۆ سپێنا

سەرۆکی کۆمەڵەی سەوز و کۆنسەی هەرێمی لازیۆ، کلاودیۆ مارۆتا