لە شاری زوریخی سویسڕا، بە پێشەنگایەتی بزوتنەوەی ژنانی کورد، هێرشە داگیرکارییەکانی دەوڵەتی تورک شەرمەزار کران.

لەو چالاکییەدا کە لەبەر باڵیۆزخانەی تورکیا ئەنجام درا، دەسەڵاتداری ئاکەپە-مەهەپە و هاوکاری کلکایەتی پەدەکە لەگەڵ ئەوان شەرمەزار کرا.

هاوسەرۆکی کۆمەڵگای دیموکراتیکی کوردان لە سویسڕا (جەدەکە-سە) ئەسماعیل کارداش لە چالاکییەکەدا لێدوانی رۆژنامەنووسیدا و باسی لەوەکرد، کە کورد لە هەموو روویەکەوە خۆڕاگری دەکەن و داوای لە هەموو کەسێک کرد کە لە دژی داگیرکەری دەنگی خۆیان هەڵبڕن.

دوای راگەیەنراوە رۆژنامەنووسیەکە چالاکوانان دەستیان بە چالاکی دانیشتن کرد. لە چالاکییەکەدا بە کوردی، تورکی و ئەڵمانی دروشم وترانەوە و سڵاو لە بەرخودانی گەریلاکان کرایەوە.

هـ . ب