لە ٢٥ی ئازاری ٢٠٢١ەوە زانیاری لەسەر عەبدوڵلا ئۆجالان ڕێبەری گەلی کورد و عومەر زەیری کۆنار، هامیلی یڵدرم و وەیسی ئاکتاش زیندانیانی دیکەی ئیمڕالی نییە. وڵامی داواکاری پارێزەران و خانەوادەکان نادرێتەوە.

نوسینگەى مافەکانی سەدە لە ٢٤ی کانونی یەکەمی ٢٠٢١ سەردانی دادگای دەستوری بنەڕەتی تورکی کردبوو و وتبووی، " بۆ ئەوەی کۆتایی بە پێشێلکردنی خاڵی ١٧ی دەستوری بنەڕەتی ( قەدەغەی ئەشکەنجە) بهێنرێت، بۆ ئەوەی خانەوادە و پارێزەر بتوانن سەردانی ئیمڕالی بکەن و بە پێی خاڵی ٧٣ی پەیڕەوی ناوخۆی ڕێوشوێن وەربگیرێت.

پارێزەران لە ٢٤ی کانونی یەکەمدا هەروەها سکاڵایان لەسەر دادوەری و لیژنەی دادپەروەری لە دەستەی دادوەران تۆمار کرد، لەبەرئەوەی بەپێی یاسا ئەرکی خۆیان بە باشی جێبەجێ نەکردووە و لەبەرانبەر مافەکان بوونەتە ئاستەنگ.

ئەم داواکاریانە لە سی پی تی دەکرێت

بەپێی هەواڵێکی ئاژانسی میزۆپۆتامیا، پارێزەران سەردانی کۆمیتەی ڕێگریکردنی ئەشکەنجەی کۆنسەی ئەوروۆا (سی پی تی) کرد و رووداوەکانی ئیمڕالیان وەک 'ئەشکەنجە و کردەوەی خراپ' پێناسە کرد.

* کۆمیتەکەتان پێویستە بە زوترین کات سەردانی دۆرگەی ئیمڕالی بکات.

* ڕێگە بە سەردانی پارێزەران بدرێت و هەمیشەیی بێت.

* سەردانی خانەوادە و پارێزەری تایبەت بە یاسایی بکرێت و سزای دیسیپلین کە لەدژی یاسایە ڕابگیرێت.

* لەگەڵ مافی سەردانکردن، پێویستە مافی قسەکردنی بە تەلەفۆن هەمیشەیی بێت.

* ڕێگریەکان لەبەردەم ناردن و وەرگرتنی نامە و فاکسەکان هەڵبگیرێت.

* ئاستەنگیەکانی سەر رۆژنامە، گۆڤار و کتێب هەڵبگیرێت.

* بۆ ڕێگریکردن لە ئەشکەنجە، کردەوەکانی دژی مرۆڤایەتی و کردەوە خراپەکان، ڕێوشوێن بگیرێتە بەر.

ف.ق