پارێزەرانی نوسینگەی یاسایی سەدە ئیبراهیم بیلمەز، رازیە ئۆزتورک، عەمران ئەمەکچی جەنگیز یورەکلی بەمەبەستی دیدار داواکارییان پێشکەش کرد.

پارێزەران بۆ ئەوەی موەکیلەکانیان عەبدوڵا ئۆجالان، عومەر خەیری کۆنار، حامیلی یەڵدرم و وەیسی ئاکتاش ببینن کە ماوەی دوو ساڵ زانیاری لەبارەیانەوە بەردەست نیە، سەردانی داواکاریی گشتیی کۆماری بورسان و بەڕێوەبەرایەتی جێبەجێکردنی سزای ئیمراڵییان کرد.

نوسینگەی یاسایی سەدە و بنەماڵەکەی لە ٢٥ی ئاداری ٢٠٢١ەوە نەیانتوانیوە زانیاری لەبارەی رێبەری گەلی کورد عەبدوڵا ئۆجالانەوە بەدەستبهێنن.

پارێزەران لە راگەیەندراوەکەی دووی ئایاری خۆیاندا باسیان لەوەکردبوو، سەرباری هەموو داواکاری و هەوڵەکان پارێزەران و بنەماڵەکانیش، سەبارەت بە دۆخی ژیان و تەندروستی عەبدوڵا ئۆجالن و ٣ موەکیلەکەی دیکەمان لە ئیمراڵی زانیاری بەردەست نییە. ئەو دۆخە ئێمە و هەموو کۆمەڵگا نیگەران دەکات".

هـ . ب