پارێزەران بەمەبەستی رۆیشتن بۆ ئیمراڵی داواکارییان پێشکەش کرد
پارێزەرانی نوسینگەی یاسایی سەدە بۆ ئەوەی بتوانن رێبەری گەلی کورد عەبدوڵا ئۆجالان ببینن، سەرلەنوێ داواکارییان بەرزکردەوە.
پارێزەرانی رێبەری گەلی کورد عەبدوڵا ئۆجالان بە داواکاری ئەنجامدانی دیدار سەردانی داواکاری گشتیی کۆماری لە بورسا و بەڕێوەبەرایەتی زیندانی ئیمراڵییان کرد.
لە پارێزەرانی نوسینگەی یاسایی سەدە سوزان ئاکیپا، جەنگیز یورەکلی، ئیبراهیم بیلمەز و عەمران ئەمەکچی داواکارییەکەیان پێشکەش کرد.
پارێزەران بۆ دیدار لەگەڵ موەکیلەکانی دیکەیان لە ئیمراڵی عومەر خەیری کۆنار، حامیلی یەڵدرم و وەیسی ئاکتاشیش هەمان داواکارییان بەرزکردەوە.
لە ٢٥ی ئاداری ٢٠٢١ەوە تائێستا هیچ هەواڵێک لە رێبەری گەلی عەبدوڵا ئۆجالان بەردەست نییە.
