شەهیدانی مانگی تشرینی یەکەم لە شاری ستراسبۆرگی فەرەنسا بە چالاکی یادکرانەوە.

چالاکییەکە بە پێشەنگایەتی تەڤگەری ژنانی کورد (تەژەکە-ئە) بە خولەکێک ڕێزگرتن لە شەهیدانی شۆڕشی کوردستان و جیهان دەستی پێ کرد.

لە چالاکییەکەدا، بێریتان (گوڵناز کاراتاش) کە دژی خیانەتی پەدەکە بەرخۆدانێکی بێ‌هاوتای پێشخست و بوو بە سیمبولی بەسوپابوونی ژن، هەروەها ئەرداڵ شاهین و ڕۆژهات زیلان کە لە ئەنقەرە چالاکی فیداکاریان ئەنجامدا و ژیندار ڕومەت مەیسەر (بەرژین ئەرشیمەت) کە ١٨ و  ١٩ ی تشرینی یەکەم لە گۆڕەپانی کوڕە ژارۆ لە شەڕێکدا دژی سوپای تورک شەهید بوو، هەموو شەهیدانی مانگی تشرینی یەکەم یادکرانەوە.

ئاماژە بەوە کرا، شەهید بێریتان لە دژی خیانەت و هاوکاری پەدەکە بوو بە سیمبولی سەرهەڵدان و دەستنیشانیان کرد کە پەکەکە پارتی شەهیدانە. بەڵێندرا بۆ بەدیهێنانی ئاواتی شەهیدانی مانگی تشرینی یەکەم.

لە چالاکییەکەدا، خوشک و هاوڕێی شەهید ژیندار ڕومەت مەیسەر، پەڵدا ئەرشیمەت، ئاماژەی بەوە کرد خوشکەکەی شەهیدی گەلی کوردە و گوتی: "شایستەبوون بە تێکۆشانی خوشکەکەم، ئەرکی سەرەکیمە. غەمگین نیم، چونکە ئەو بۆ ئازادی گەلەکەی ڕێگەیەکی واتاداری گرتەبەر. سەری گەل و ڕێبەرێتیمان ساغ بێت".