محه‌مه‌د سه‌ڤینچ كه‌ ٢٨ ساڵ بوو له‌ زینداندابوو، له‌ گرتووخانه‌ی ئاكحیساری مانیسا كوژرا. به‌ پێی بانگه‌شه‌كان له‌ ٣ی نیساندا له‌ كاتژمێر ٠٣:٠٠ كاتێك پاسه‌وانه‌كان چوونه‌ قاوشی یه‌ك ژووری بینیویانه‌ كه‌ سه‌ڤینچ له‌ هۆش خۆی چووه‌. دوای ئه‌وه‌ی سه‌ڤینچ بۆ نه‌خۆشخانه‌ی ده‌وڵه‌تی مسته‌فا كیرازئۆغڵووی ئاكحیسار گواستراوه‌ته‌وه‌ ده‌ركه‌وتووه‌ كه‌ تووشی خوێنبه‌ربوونی مێشك بووه‌ و نه‌شته‌رگه‌رییان بۆ كردووه‌.

بنه‌ماڵه‌كه‌ی چه‌ندین رۆژه‌ له‌به‌رده‌م نه‌خۆشخانه‌ن. كاتژمێر ١١:٠٠ سه‌ربازه‌كان بنه‌ماڵه‌كه‌یان ئاگادار كرده‌وه‌ كه‌ سه‌ڤینچ ژیانی له‌ده‌ستداوه‌. به‌مه‌به‌ستی توێكاری ته‌رمی سه‌ڤینچ گواسترایه‌وه‌ بۆ پزیشكی داد.

نوێنەرانی کۆمەڵەی زیندانیان و سزادراوانی ئیجە (ئیجە توهایدەر)، پارتی دیموکراتی گەلان، پرتی هەرێمەکانی دیموکراتی و کۆمەڵەی یاساناسان بۆ ئازادی بۆ وەرگرتنی تەرمی محەمەد سەڤینچ لەبەردەم پزیشکی داد کۆبوونەوە.

لە کۆجائەلی بەخاکدەسپێردرێت

تەرمی سەڤینچ بۆ ئەستەنبوڵ و لەوێوە بۆ کۆجائەلی لە ڕێگەی فڕۆکەخانەی عەدنان مەندەرەس ڕەوانەکرا.

تەرمی سەڤینچ سبەینێ دوای ڕێورەسمی ئایینی لە گۆڕستانی دارجا نانە خاتون بەخاکدەسپێردرێت.

باوكمیان خسته‌ ژووری تاكه‌كه‌سی و كوشتیان‌

كچه‌كه‌ی به‌ ناوی بێریڤان سه‌ڤینچ زانیاری گه‌یانده‌ ئاژانسی مێزۆپۆتامیا و وتی"باوكمیان خسته‌ ژووری تاكه‌كه‌سی و ئه‌ویان له‌وێدا كوشت. هیچ زانیارییه‌كمان پێناده‌ن. ئێمه‌ نازانین بۆ كوژراوه‌ و چی به‌سه‌ر هاتووه‌. نه‌ك پزیشكه‌كان به‌ڵكوو سه‌ربازه‌كان له‌ باره‌ی مردنه‌كه‌ی زانیاریان پێداین".

ف.ق