دانیشتنی ٢٥ هەمین لە حەرەمی زیندانی سینجان پەیوەست بە دۆزی کۆبانێ بەڕێوەچوو، تێیدا ١٠٨ کەس دادگایی دەکرێن کە ١٨ کەسیان دەستگیرکراون لەنێویشیاندا هەردوو هاوسەرۆکی گشتی هەدەپە و ئەندامانی دەستەی جێبەجێکردنی ناوەندی.

دادگا بە کۆی دەنگ ئازادکردنی دەستگیرکراوانی ڕەتکردەوە، هەروەها سەبارەت بە سری سورەیا ئۆندەر کە بۆتە پەرلەمانتار، نوسراوێک ناردە پەرلەمان لەپێناو هەڵوەشاندنەوەی پارێزبەندی و دادگایکردنی، دادگای بڕیاریدا ڕوونی بکاتەوە ئاخۆ ئۆندەر پەرلەمانتارە یان نا، تاوەکو داواکارییەکە لەسەر بناغەی ئەو وەڵامە نرخاندنی بۆ بکرێت.

دانیشتنی داهاتوو لەسەر دۆزی کۆبانێ لە ٣ تەمموزی بەڕێوەدەچێت.