چالاکی لە دژی کودەتایی قەیوم کە لە پێش شارەوانی ئاکدەنیزی مێرسین کە قەیومی بەسەردا سەپێندراوە ١٢ ڕۆژە بەردەوامە. لە چالاکییەکەدا چەندین ئەندام و نوێنەری پارت و ڕێکخراوە مەدەنییەکان بەشداربوون و درووشمەکانی 'شارەوانی ئیرادەمانە'، 'بژی پشتیوانی گەل' و 'دەبێت قەیومی دز شارەوانی جێبهێڵێت' بەرزکرانەوە.

لە چالاکییەکەدا ئەندامی ئەنجومەنی شارەوانی ئاکدەنیز، ئایدن کلچ قسەی کرد و جەختی لە بەردەوامی تێکۆشانیان لە دژی سەپاندنی قەیوم کردەوە.

هەر لە چالاکییەدا پەڕلەمانتاری مێرسینی دەم پارتی عەلی بۆزان قسەیکرد و وێڕای شەرمەزارکردنی سەپاندنی قەیوم و جەختکردنەوە لە بەدەستهێنانی ئیرادەی گەل، سەرنجی خستەسەر بەرخۆدانی گەلی ڕۆژئاوا و گوتی: "سڵاو لە بەرخۆدانی گەلی ڕۆژئاوا دەکەین. گەل ئەم هێرشانە قبوڵ ناکات. پێویستە لەسەر تورکیا دەستبەرداری ئەم هێرشە داگیرکارییانەی بێت."

ئێشکگرییەکە بە چالاکی گردبوونەوەی دانیشتن بەردەوامە.