دەستپێشخەریی ژنانی پرشنگی رۆژ ڕایگەیاند، یەکینەکانیان لە چەندین شاردا لە دژی فاشیستە تورکەکانی ئاکەپە – مەهەپە چالاکییان ئەنجامداوە.

دەستپێشخەرییەکە رایگەیاند، ڕۆژی ١٣ی تشرینی دووەم لە ناوچەى ئیستەنبول – گازی عوسمان پاشا کۆگایەکی ماددەهۆشبەرەکانی فاشیستەکانی ئاکەپە – مەهەپە سوتاند. هەر لەو رۆژەدا کەسێکیان بە ناوی مەحمود تورکەشس سزا دا، کە سەرکردەی گروپێک لە گەنجانە فاشیستەکان بوو.

ڕاشیانگەیەندوە، لە ١٤ی تشرینی دووەمدا، ٢ ئۆتۆمبێلی بارهەڵگری بازرگانێکی ئاکەپە، کە کەلوپەل و پێداویستیی رستن و چنینی تیادا بوو، لەسەر رێگای تەکیرداغ - سارای سووتێنران.

دەستپێشخەرییەکە سەبارەت بە چالاکیەکانی شاری ئیستانبول –بەیکۆز رایگەیاندووە، یەکینەکانیان لە ١٥ی تشرینی دووەمدا پارکێکی ئۆتۆمبێلی گروپە فاشیستییەکانی "ئولکو ئۆجاکلاریی"یان کردووەتە ئامانج و ٨ ئۆتۆمبێلی لوکس و مۆدێل بەرزی ئەو گروپە فاشیتییەیان سوتاندووە.

هەروەها ڕاگەیەندراوە، ڕۆژی ١٦ی تشرینی دووەم، لە شاری ئیستانبول - ئاڤجیلار کەسێک بە ناوی (م.ک)، کە هاوکاریی رژێم بوو و کاری سیخوڕیی دەکرد، سزادرا.

ژ.ت