دەم پارتی سەردانی دایکانی ئاشتی کرد
ئەنجوومەنی ژنانی دەم پارتی بەبۆنەی جەژنی قوربانەوە سەردانی دایکانی ئاشتی کرد.
سەردانی جەژن
ئەنجوومەنی ژنانی پارتی یەکسانی و دیموکراسیی گەلان (دەم پارتی) بەهۆی جەژنی قوربانەوە سەردانی ئەنجوومەنی دایکانی ئاشتی لە ئیستەنبوڵ کرد. لە سەردانەکەدا، وتەبێژی ئەنجوومەنی ژنانی دەم پارتی خالیدە تورکئۆغلو، پەرلەمانتاری ئیستەنبوڵ کەزیبان کۆنوچکجو و چەندین ژن بەشداربوون. دایکانی ئاشتی لەبەردەم دەرگای کۆمەڵەکە پێشوازییان لە ژنان کرد.
لە سەردانەکەدا ژنان هیوایان خواست، ئەم جەژنە ببێتە مایەی ئاشتی، تیشکیان خستەسەر "بانگەوازی ئاشتی و کۆمەڵگەی دیموکراتیک"ـی ڕێبەر ئاپۆ، پەیامیان دووپاتکردەوە بۆ درێژەدان بە تێکۆشان.
