ئاشکرا بوو کە ئاکەپە لە ناوچەی ئەردیشی وان خۆی گەیاندووەتە زانیاری کەسێتی هاوڵاتیان و بەو شێوەیە بە هەزاران کەسی کردووەتە ئەندامی خۆی. باسی ئەوە دەکرێت، ڕێکخستنی ئەردیشی ئاکەپە زانیاریەکانی لەبەرێوەبەرایەتی باری شارستانی ئەردیش وەرگرتووە. ئاکەپە پەیامی بۆ هەزاران کەس ناردووە کە کراون بە ئەندا و لەبەرئەوەش هاوڵاتیانی ئەردیش ناڕەزایی توندیان پیشاندا.

حەیدەر تەنیک کە لە ئەردیش ١١ ساڵە لەناو تەڤگەری سیاسی کورددا کار دەکات وتی، چەندین ساڵە لەناو بەدەپە، دەبەپە و هەدەپەدا کاری کردووە. ئەندامی ئەنجومەنی شارەوانیدا هەدەپە لە ئەردیش بووە و باسی ئەوەی کرد کە ئاکەپە گەلی وڵاتپارێزی کردووەتە ئامانج و بێ داواکاری ئەوان کراونەتە ئەندام. بە ئەنقەست کراوە. ئامانج ئەوەیە کە گەلی کورد لە یەکتری دوور بخەنەوە.

زانیاریە تایبەتەکان بێ رەزامەندی هاوڵاتیان کۆکراونەتەوە و کراونەتە ئەندامی ئاکەپە و لە جێگەی ئەوان ئیمزا کراوە. ئەوانە کاری نایاسین. لەسەر ئەوەش لە ماوەیەکی کەمدا سکاڵا تۆمار دەکەن و سکاڵا لەسەر بەڕێوەبەرانی ئاکەپە تۆمار دەکەن.

ئاکەپە پیشانیدا کە چەند لاوازە

یاشار کوجاش هاوسەرۆکی ناوچەی ئەردیشی هەدەپە ڕایگەیاند، ئەوە نیشانەی کردەوە نایاساییەکانی ئاکەپەیە کە ئاشکرا دەبێت چەند لاوازە و وتی،"ئاکەپە لە دۆخێکدایە کە لە ڕێگەی یاسایی کاری سەختەکاری دەکات. بەو شێوەیە بە سەختەکاری ئەندام زیاد دەکات. گەلی ئەردیش بەهۆی ئەو سەختەکاریەی ئاکەپە زۆر تۆڕەیە. ئێمە لەگەڵ هەدەپە و گەلەکەمانداین. ئێمە وەک پارتی چی لە دەستمان بێت ئەنجامی دەدەین."

ف.ق