وەزارەتی تەندرووستی حکوومەتی هەرێمی کوردستان لە راگەیەندراوێکدا ئاماژەی بەوە کرد، کە ٣ حاڵەتی دیکەی توشبوون بە ڤایرۆسی کۆڕۆنا تۆمارکراوە.

بەپێی راگەیاندراوەکەى وەزارەتی تەندروستی "لە بەردەوامی پشکنینەکان و گەڕان بەدوای گومانلێکراوان، سێ تووشبووی ڤایرۆسی کۆڕۆنای نوێ COVID-19 لەشاری هەولێر دەستنیشانکران".

ئاماژە بەوەشکراوە "سێ پیاوی تەمەن (٥٤) و (٣٥) و (٣٤) ساڵان کە دوویان لە کەڕەنتینە بوون و هاوڵاتی بیانین لەو تووشبوانەن و ئەوەی دیکەیان لە وڵاتی بەریتانیا گەڕاوەتەوە".

بەپێی دوایین ئاماری فەرمی لە هەرێمی کوردستان تاوەکو ئێستا ١٢٥ کەس تووشی ڤایرۆسی کۆرۆنا بوون و ٥١ کەسیش چاکبوونەتەوە و ٢ کەسیش گیانیان لەدەستداوە. بە گشتیش لە عێراق ٥٠٦ کەس تووشی ڤایرۆسی کۆرۆنا بوون و ٤٢ کەسیش گیانیان لەدەستداوە.

ژ.ت