دەستپێشخەری ژنانی تیشکی خۆر لە راگەیێنراوێکدا ئاماژەی بەوە کرد کە ئەوان لە بەرامبەر کۆمەڵکوژیەکانی سیستمی فاشیست لە دژی ژنان، بێدەنگ نامێنن.

لەم چوارچێوەیەشدا رایانگەیاند، لە بەرواری نێوان ١٩-٢٣ی تەمموز ٥ چالاکیان ئەنجامداوە و لە ئەنجامی چالاکیەکاندا کۆگایەکی جلوبەرگ، دوکانێک و شەش ئۆتۆمبیلی فاشیستانیان سووتاندووە.

دەستپێشخەرەیەکە لە راگەیێنراوەکەیدا بەم شێوەیە باس لە چالاکیەکانیان کرد:

"١٩ی تەمموز لە ناوچەی ئەسەنیورتی ئەستەنبول کۆگایەکی جلوبەرگ و ئۆتۆمبیلێکی فاشیستان لە لایەن یەکینەکانمانەوە سووتێنرا.

٢٠ی تەمموز لە ناوچەی توزلای ئەستەنبول ٣ ئۆتۆمبیلی ئەندامانی ئاکەپە و مەهەپە لە لایەن یەکینەکانمانەوە لە ناو بران.

٢٢ی تەمموز لە ناوچەی فاتیحی ئەستەنبول ٢ ئوتومبیلی ئەندامانی ئاکەپە و مەهەپە لە لایەن یەکینەکانمانەوە سووتێنران و لەناو بران.

٢٢ی تەمموز لە ناوچەی هارامیدەرەی ئەستەنبول دوکانێکی فاشیستان بە تەقەمەنی دەستی تەقێنرایەوە و دوکانەکە سووتا.

لە ٢٣ی تەمموز لە کوچوک چەکمەجەی ئەستەبول یەکینەکانمان پاسێکی هێزەکانی پۆلیسیان کردە ئامانج و سووتاندیان.

ئەم چالاکیانە لە دژی ئەشکەنجە، کۆمەڵکوژکردن، دەستگیرکردن و دەستدرێژیەکانی سەر ژنان، ئەنجام دراون."

 ز.ش