وەزارەتی کۆچ و کۆچبەرانی عێراق سەبارەت بەو بابەتە راگەیەندراوێکی بڵاوکردەوە کە تیایدا هاتووە، لە چوارچێوەی بەرنامەی حکومەت و وەزارەتەکەیان بۆ کۆتاییهێنان و داخستنی دۆسیەی کۆچبەر و ئاوارەکانی ناوخۆ ئەمڕۆ ١٤٥ کۆچبەری دیکەی ئێزدی لە کەمپی بێرسڤی-١ی سەر بە زاخۆوە گەڕاونەتەوە بۆ شەنگال و دەوروبەری.

لە راگەیەندراوەکەدا ئاماژە بەوەشکراوە، کە کۆچبەر و ئاوارەکان کە دەگەڕێنەوە بۆ زێدی خۆیان پێداویستییە سەرەکیەکانیان بۆ دابین دەکرێت.

وەزارەتەکە دوێنێش بە راگەیەندراوێک گەڕانەوەی ٣٧٥ ئاوارەی ئێزدی لە کەمپی ئاوارەکانی بێرسڤ-١ لە زاخۆی باشووری کوردستانەوە بۆ زێدی خۆیان لە شەنگال راگەیاند و ئاماژەی بەوەشکردبوو، ئەو کەسانە بە شێوەی ئارەزومەندانە گەڕاونەتەوە.

هـ . ب