ئاگر/پانۆس

لە ناوچەی پانۆسی ئاگری پیرۆزبایکردنی جەژنی نەورۆز لە ناوەندی چاند ئەنجامدرا. گۆڕەپانەکە بە ئاڵای دەم پارتی ڕازێنرابووەوە. پیرۆزباییەکە بە گۆرانی و ئاهەنگگێڕان دەستیپێکرد. دروشمی 'بژی بەرخۆدانی زیندانیان' وترایەوە.

لە ئاهەنگەکەدا بەربژێری هاوشارەوانی دەم پارتی ناوچەی پانۆس ڕۆژبین کارتال قسەیکرد و وتی: "ئێمە ڕۆڵەی تێکۆشانەکانی کاوەی شۆڕشگێڕین لە دژی زوحاک. لە دژی خیانەت وەک راهشانانین، وەک سەمایان جەستەمان دەکەینە قەڵغان. بەم ئیرادەیەوە ئامادەین بۆ خزمەتی گەلەکەمان."

موش/ملازگر

وێڕای نا لەباری کەش و هەوا، بە سەدان کەس لە گۆڕەپانی قەسابانی ملازگری موش بەشداری پیرۆزبایکردنەکانی نەورۆز بوون و ئاگری نەورۆزیان هەڵکرد. سەرۆک فراکسۆنی دەم پارتی سەزای تەمەلی بەشداری پیرۆزبایکردنەکە بوو. پیرزبایکردنە بە خولەکێک ڕێزگرتن بۆ شەهیدان دەستپێکرد. لە ئاهەنگەکەدا پانکارتی "بە ڕیگەی رەوشەنان نەورۆز پیرۆز دەکەین" و "نەورزمان بە هێز" بەرزکرابوونەوە.

هاسەرۆکی دەم پارتی ناوچەکە کەمال ئۆزەل لە پیرۆزبایەکەدا سوپاسی گەلی کرد  و نەورۆزی پیرۆزکرد.

بەربژێری هاشەرەوانی ئەحمەد کەنان تورکەر وتی: "لە قۆناغێکی مێژوویدا بە جۆش خرۆشەوە نەورۆزمان پیرۆز دەکەین. با نەورۆز ببێتە ئامرازی ئاشتی، ئازادی و چارەسەرکردنی پرسەکانی کورد بە ڕێگەی دیموکراتیکی."

کۆپ

پیرزبایکردنی نەورۆزی ناوچەی کۆپی موش بە بەشداری هەزاران کەس پیرۆزکرا. پیرۆزباییەکە لە تێرمیناڵی کۆپ ئەنجامدرا. لە ئاهەنگەکەدا خەڵکی ناچەکە بە جل و بەرگی کورد ڕۆشتنە گۆڕەپانی نەورۆز و ئاگری نەورۆزیان کردەوە. لە پیرۆزکردنەکەدا دروشەمەکانی 'بژی سەرۆک ئاپۆ'، 'بە بەرخۆدان سەردەکەوین' و 'ژن، ژیان، ئازادی' بەرزکرانەوە.

لە ئاهەنگەکەدا بەربژێرەکانی دەم پارتی نەورۆزیان پیرۆزکرد.

دواتر پەرلەمانتاری دەم پارتی سومەیە بۆز قسەیکرد و وتی: "بەڕێز ئۆجالان لە گۆشەگیریدایە و ڕێگەی قسەکردنی لێ گیراوە، بۆ؟ چونکە هەر قسەیەکی بەڕێز ئۆجالان چەندین کێشە بۆ ئەم دەسەڵاتە دروست دەکات و سەرەوژێری دەکات. بۆیە لە دەنگی دەترسن. گۆشەگیری لە ئیمراڵی دەستپێکرد و لە تەواوی وڵاتدا بڵاوبووەوەتەوە. جارێکیتر داوای ئازادی بۆ بەڕێز ئۆجالان دەکەین و دەڵێن کۆتای بە ئەشکەنجەی سەر زیندانیان بهێنن."

سێرت/دحە

لە گۆڕەپانی کانی مەرگی لە ناوچەی دحەی سێرت بە دروشمی 'ڕاپەرە کاتی ئازادی و سەرکەتنە' نەورۆز پیرکرا.

بالکەسیر

ڕێکخستنی پارتی یەکسانی و دەیموکراسی گەلان (دەم پارتی)ی بالکەسری بە دروشمی "ڕاپەرە کاتی ئازادی و سەرکەوتنە" لە گۆڕەپانی دەڤە گورەشی ناوچەی بورهانیە، بە بەشداری ئەندام پەرلەمانی دەم پارتی ساروهان ئۆلوچ و بەشداربوونی هەزاران کەس بە جل و بەرگی تایبەتیەوە نەورۆز پیرۆزکرا.

لە پیرۆزبایکردنەکەدا ئاڵای دەم پارتی هەڵکرابوو. نەورۆز بە قسەکانی ئەندام پەرلەمانی دەم پارتی ساروهان ئۆلوچ قسەیکرد و باسی لە گرنگی نەورۆز و هەڵبژاردنەکانی ٣١ی ئادارکرد.

دواتر بە گێڕانی ئاهەنگی نەورۆز، پیرۆزبایکردنەکە بە کۆتاهات.