دما و ئانەی جەنگاوەر و هێزەکا سوریاو دیموکراتی (قەسەدە) جگەر حەسەکە هیزی کاتو  ئەرکەکەیشەنە گەشمەرڏەبی، جە بارە و گەشمەرڏەبییەیش، مییانو ئەرەیاونای قەسەدەی ئەرەیاونێوەش وەڵاکەردۆ.

جە ئەرەیاوناکە و قەسەدەینە ئامان، هەمڕاما جگەر حەسەکە (محمد حەسەن نجێم) کاتێنە ئەرکە سەروازییەکە و وێشەنە بە دڵسۆزی و فیداکارییۆ ئەنجام دێ، جە ئەنجامو ڕووەدێوە نەخوازراوییۆ کاتو هورگێرتە و پەروەردەینە گەشمەرڏە بی.

جە دێژەو ئەرەیاوناکەینە سەرنج وزیا سەر و کەسێتی دڵسۆزی گەشمەرڏە جگەری و ئامان: "هەمڕا جگەر سەرەڕاو ئارامییەکەیش، ڤە جەنگەنە چالاک بێ، ئیلا و ئەولا کەرێ، هەمیشە ڕێنمایی هەمڕێکاش کەرێ و تێبینی ئانەیشا دێ پنە وێشا پارێزنا.

جە دما و ئەرەیاوناکەی قەسەدە قەولو درێژەدای بە ئەوەکۆشای ئازادی واوەی کەردۆ و ئامان: "با سەرو بنەیانە و گەشمەرڏە جگەری و تەمامو بنەیانە و گەشمەرڏاما سەلامەت بۆ. قەولمرەیمێ پابەندو ڕێنمایی گەشمەرڏاما بیمێ و پێسە و هێڵێوە جە خەبات و ئەوەکۆشای وێمانە سەرشۆ بیمێ. با ئا ئاڵێما سەرشۆ مەنۆوە کە بە ونە و گەشمەرڏا سوور بییەن، ئێمە ئا دەسکەوتی کە بە ونەی پاکەو ئاریشا بەدەسئامێنە پارێزنمێ."

بەپاو ئەرەیاوناکەی زانیارییە کەسییەکێ گەشمەرڏەت پی جۆرەن:

شناسنامە: جگەر حەسەکە

نامێ و دما نامێ: محمد نەجم

نامێ ئەڏێ: زەرگا

نامێ تاتەی: حەسەن

یاگێ جە ئەڏایا بییەی: حەسەکە

کاتو گەشمەرڏە بییەیش: ٢٨ـو حوزەیرانی ٢٠٢٥.

یاگێ ئاماژەینە هیزی وێرەگا تەرمو جەنگاوەرو قەسەدەی، گەشمەرڏە جگەر حەسەکەی بە مەراسیمێوە جە دەگا و  بەرکەڤری سەر بە دەرباسیە ئەسپەردە و خاکی کریا.