لە دێرەزۆر ٥٠٠ نەمام چێندرا
کۆمەڵەی هەنگەوانان بە بەشداری دانیشتووان و یەکێتی شارەوانییەکانی کانتۆنی دێرەزۆر دەستیان بە چاندنی ٥٠٠ نەمامی جۆربەجۆر لە شاری هەجین کرد.
هەڵمەتی ناشتنی نەمام
لە چوارچێوەی سەوزکردنی شارەکەدا، نەمام لە چواڕێیانی شارەکە، دەروازەکانی شار، ڕێگەی ٢٠، پارکەکانی قوتابخانە و نەخۆشخانەکان دەچێنرێت.
بەشداربووانی چالاکییە ژینگەیەکە، سەبارەت بە گرنگی باشترکردنی ژینگە و زیادکردنی سەوزایی، ئاماژەیان بەوەدا کە زیادکردنی ناوچەی سەوزایی کەشوهەوا باشتر دەکات و ژینگەی سروشتی بۆ هەنگەکان دابین دەکات.
بەشداربووان هیواخوازن ئەم کارە ببێتە هۆکاری ئەوەی کە هەموو گۆڕەپانێکی هەرێمەکە سەوز ببێت و بانگەوازی پاراستنی سروشتیان کرد
