بارش کەڤە زیندانیی سیاسیی کورد لە زیندانی جۆری تیی ناوچەى ئاکچاداغی مەلاتییە لە ژووری تاکە کەسیدا کوژرا. تەرمەکەى لەلایەن کەسوکارەکەیەوە برایەوە بۆ ناوچەى شاخ لە پارێزگای وان و بەخاکیان سپارد.
بارش کەڤە لە ژووری تاکەکەسیی زیندانی جۆری تی لە ناوچەی ئاکچاداغ لە پارێزگای مەلاتییە لەلایەن دەوڵەتی تورکەوە کوژرا. تەرمەکەى لەلایەن کەسوکارەکەیەوە برایەوە بۆ ناوچەی شاخ لە پارێزگای وانی باکووری کوردستان و لە گۆڕستانی ناوچەى شاخ دا بەخاکیان سپارد.
سەدان کەس، کە پێکهاتبوون لە نوێنەران و ئەندامانی هەدەپەى وان و ناچەکە، بەڕێوەبەری توهای-دەر، بەڕێوەبەرانی دەبەپە لە وان و ناوچەکە و تەژەئا، مەبیادەر و ئارسیسا و سەدان کەس بەشدارییان لە مەراسیمی بە خاکسپاردنەکەدا کرد.
جەماوەری گەلیش گوێیان بەرێگری و بەربەستەکانی پۆلیس نەدا و ڕێپێوانیان ئەنجامدا و بە بەردەوامی دروشمی "بژی بەرخۆدانی زیندان"یان دەوتەوە.
ژ.ت
