لە ناحیەی زینانی سەر بە شاروچەکی کفری ئیدارەی گەرمیان، چەتەکانی داعش دوو شوانی کوردیان بە ناوەکانی محەمەد حسێنی عەلی و سەباح حەسەن رەشید رفاند.

بەگوێرەی هەواڵێکی رۆژنیوز، وەهاب ئەحمەد بەڕێوەبەری ناحیەی زینان رایگەیاند، ٢ شوان لە گوندی قەڵا لەلایەن چەتەکانی داعشەوە رفێندراون و چارەنووسیان نادیارە.

هەروەها فەرماندەیەکی سەربازی هەرێمی زنانیش رفاندنی ئەو دوو کەسەی پشتڕاست کردەوە و رایگەیاند، هەردوو شوانەکە ئاژەڵەکانیان لە نزیک گوندی شۆراوی دەڵەوەڕاند کە جموجووڵی داعش لەو ناوچانە زۆر دەبیندرێت.

ف.ق