لە گوندی دێرەسۆری گرێدراوی شارۆچکەی بەسپین لە سلۆپی لە شەرناخ کە دەکەوێتە لێژاییەکانی چیای جودی، دوای نیوەڕۆی ئەمڕۆ ئاگر کەوتەوە. ئەوە ڕاگەیاندرا، سەربازانی ناوچەکە تەقەیان کردووە و بەهۆیەوە ئاگر کەوتۆتەوە.

تا ئێستا هیچ هەنگاوێک نەنراوە بۆ کوژاندنەوەی ئاگرەکە و ئاگرەکە تادێت پەرە دەسێنێت.

لە هەمان کاتدا، لە شیوی عیسا ئاغا لە جزیر ئاگر کەوتەوە. ئەوە ڕاگەیاندرا، لە گۆڕەپانی پەروەردەیی فەرماندەیی جەندرمە و بەڕێوەبەرایەتی پۆلیسی جزیرەوە تەقەکراوە. پاش ماوەیەک ئاگر لە دەوروبەری گوندەکە بڵاوەی کردووە. هێشتاش ئاگرەکە بەردەوامە و بەرەو گوندەکە دەچێت، کەچی هیچ هەنگاوێک بۆ کوژاندنەوەی نەگیراوەتەبەر.