دژی گرتنی هاوسەرۆکی شارەوانی جولەمێرگ محەمەد سدیق ئاکیش و دانانی قەیوم لە شارەوانییەکە، لە چەند ناوچەیەکی جولەمێرگ چالاکی ئەنجام دەدرێت. لە ناوەندی شارەکە سەرەڕای گەمارۆی پۆلیس و سەرباز، گەنجان ڕێپێوانیان کرد.

گەنجان درووشمی "بژی بەرخۆدانی زیندان" و "بژی سەرۆک ئاپۆ" و "زیندانیانی سیاسی شکۆی ئێمەن" و "جولەمێرگ دەبێتە گۆڕستانی قەیوم" و "بە بەرخۆدان سەردەکەوین" و "کوردستان دەبێتە گۆڕی فاشیزم"یان بەرزکردەوە.

پۆلیس لە چەند خاڵێک هێرشیان کردە سەر گەنجان، لە بەرامبەردا گەنجان لە گەڕەکەکان بەربەستیان دانا و بە بەرد و دار وەڵامی هێرشەکانیان دایەوە.

لە چەند ناوچەیەکی شارەکە بەرخۆدان بەردەوامە.