ناوەندی راگەیاندن و چاپەمەنیی هێزەکانی پاراستنی گەل (هەپەگە) لە راگەیاندراوێکیدا ڕایگەیاندووە، "سوپای تورکی داگیرکەر بە بەشداریی هەزاران داگیرکەر و سەرەڕای ئەنجامدانی ئۆپەراسیۆنێکی بەرفراوان، بەڵام ناتوانێت لە بەرامبەر هێزەکانمان دا ئەنجام بەدەست بهێنێت".

لە راگەیاندراوەکەی هەپەگەدا هاتووە:

"هێزەکانمان بە تاکتیکی پرۆفیشناڵی گەریلایی زنجیرەیەک چالاکییان ئەنجامدا و گورزی قورسیان لە داگیرکەران دا. داگیرکەرانیش بەهۆی گورزی قورسەوە هێرشی ئاسمانی ئەنجام دەدات. لەو هێرشانەدا هیچ زیانێک بە هێزەکانمان نەگەیشتوە.

- ڕۆژی ٢٢ی کانوونی یەکەم کاتژمێر ١٨:٠٠ فڕۆکەجەنگییەکان گۆڕەپانی گۆلکا-ی ناوچەی مەتینایان بۆردوومان کرد.

- ڕۆژی ٢٢ی کانوونی یەکەم کاتژمێر ١٦:١٠ بۆ ١٦:٤٠ فڕۆکە جەنگییەکان دەوروبەری چەمی لۆلان-یان لە خواکورک بۆردوومان کرد.

- ڕۆژانی ٢٢ و ٢٤ی کانوونی یەکەم ناوچەی وەرخەلی ئاڤاشین بە فڕۆکەی جەنگی بۆردومان کرا.

- هەروەها لە ٢٣ و ٢٦ی کانوونی یەکەم دا فڕۆکە جەنگییەکان گۆڕەپانەکانی چەمچۆ، کونیشکا، قەڵای بەدەوێ، شاخی شەهید سمکۆ و کارکەر لە ناوچەی زاپ بۆردوومان کران".

ژ.ت