هەپەگە: هاوڕێیانمان ڕێزان و باوەڕ شەهید بوون
ناوەندی ڕاگەیاندن و چاپەمەنی هێزەکانی پاراستنی گەل (هەپەگە) ڕایگەیاند، دوو گەریلا بە ناوەکانی ڕێزان و باوەڕ لە ٦ ی ئاب لە هێرشێکی دەوڵەتی داگیرکەری تورک لەسەر هەرێمەکانی پاراستنی مەدیا شەهید بوون.
ناوەندی ڕاگەیاندن و چاپەمەنی هەپەگە، لە ڕاگەیاندراوێکی نوسراودا ئاشکرای کرد:
" لە ٦ ی ئابی ٢٠٢٣ لە هێرشێکی دەوڵەتی داگیرکەری تورک بۆ سەر هەرێمەکانی پاراستنی مەدیا، هاوڕێیانمان ڕێزان و باوەڕ کە ڕۆڵەی هێژای گەلەکەمانن لە بۆتان، شەهید بوون. هاوڕێیانمان ڕێزان و باوەڕ هەموو ساتەکانی ژیانیان لەسەر بناغەی ئایدۆلۆژیای ئاپۆیی و دڵسۆزی بۆ شەهیدان و گەل بەڕێکرد، لە تێکۆشانی ئازادیماندا، بە باوەڕ و ئایدیا و بڕیاردانێکی مەزنەوە بەشداری تێکۆشان بوون و ئەم هاوڕێیانەمان بوونە میلیتانی ئاپۆیی نموونەیی. هاوڕێیانمان ڕێزان و باوەڕ لە مێژووی تێکۆشانماندا وەک قارەمانێکی نموونەیی جێگەی خۆیان گرت، دەبێت هەموو گەنجێکی کورد لە بەشداری و هەڵوێستیان لەمەڕ تێکۆشان، ئەم هاوڕێیانە بکەنە نموونەی خۆیان.
بەڵێن دەدەین هەمیشە یادی ڕۆڵە هێژا و دڵپاک و قارەمانەکانی گەلی کورد، هەڤاڵان ڕێزان و باوەڕ، بە زیندوویی دەهێڵێنەوە؛ تۆڵەی هەڤاڵەکانمان دەکەینەوە و ئامانجەکانیان سەردەخەین.
سەرەخۆشی لە بنەماڵەی هەڤاڵە شەهیدەکانمان و هەموو گەلی وڵاتپارێزی بۆتان و گەلی کوردستان دەکەین.
ناسنامەی هەڤاڵە شەهیدەکانمان بەم جۆرەیە:
ناسناو: ڕێزان بۆتان
ناو و پاشناو: ڕێزان گونگەن
شوێنی لەدایکبوون: شەرناخ
ناوی دایک و باوک: زوڵەیخا_بەشیر
کات و شوێنی شەهیدبوون: ٦ ی ئابی ٢٠٢٣/ هەرێمەکانی پاراستنی مەدیا
ناسناو: باوەڕ بۆتان
ناو و پاشناو: بەکر کینا
شوێنی لەدایکبوون: ئیستەنبوڵ
ناوی دایک و باوک: سوبحان_ حاجی
کات و شوێنی شەهیدبوون: ٦ ی ئابی ٢٠٢٣/ هەرێمەکانی پاراستنی مەدیا
