ناوەندی راگەیاندن و چاپەمەنی هەپەگە سەبارەت بەو گەریلایانەی لە مێردین شەهیدبوون راگەیەندراوێکی بڵاوکردەوە.

"ئاشکرابوو کە لە تشرینی دووەمی ٢٠١٩دا لە مێردین لە هێرشێکی دوژمندا هاوڕێیانمان باگەر ئاندۆک و ئازاد موسکان کە لەناو کاروباری یەکینەکانی پاراستنی سڤیل (یەپەسە)دا بوون، شەهیدبوون. هاوڕێیانمان باگەر و ئازاد وەک شەڕڤانانی فیدایی ئاپۆیی لە زۆر گۆڕەپانی کوردستان لە دژی دەوڵەتی تورکی کۆلۆنیالیستی قڕکەر شەڕیان کرد، بەرپرسیارێتی خۆیان بەرامبەر بە گەلەکەمان لە بەرزترین ئاستدا جێبەجێکرد و بوونە رۆڵەی بژاردەی ئەم گەلە. هاوڕێیانمان باگەر و ئازاد کە بە کەسایەتی خۆڕاگر و پێداگرییان لەسەر تێکۆشان جەنگاوەرانی نمونەیی ئاپۆیی، بە ئەرک و بەرپرسیارێتیان لە رێکخستنکردن و بەکردەوەیی کردنی شەڕی گەلی شۆڕشگێڕ جێیان لە دڵی گەلەکەماندا کردەوە. وەک رێبوارانی رێگەی خەباتکار، چیاگەڕ و زەریانەکان لەناو کاروباری یەپەسەدا لەپێناو ئافراندنی راستی گەلی شەڕکەر رەنجی گەورەیان کێشا و لە مێژووی تێکۆشانی گەلەکەماندا جێگەیەکی شکۆمەندانەیان کردەوە.

لە ساڵیادی شەهیدبوونیاندا جارێکی دیکە بە رێز و پێزانینەوە هادی هاوڕێیانمان باگەر و ئازاد دەکەینەوە و سەرەخۆشی لە گەلی وڵاتپارێزی کوردستان بەتایبەتی بنەماڵەی بەنرخی ئەوان دەکەین.

زانیاری لەبارەی ناسنامەی هاوڕێیانی شەهیدمان بەم جۆرەیە:

ناسناو: باگەر ئاندۆک

ناو و پاشناو: خەیری کاپڵان

شوێنی لەدایکبوون: ئێلیح

ناوی دایک- باوک: مەهدیە- عەبدولستار

کات و شوێنی شەهیدبوون: تشرینی دووەمی ٢٠١٩/ مێردین

ناسناو: ئازاد موسکان

ناو و پاشناو: موسا پۆلات

شوێنی لەدایکبوون: ئامەد

ناوی دایک- باوک: سالیمە- شێخموس

کات و شوێنی شەهیدبوون: تشرینی دووەمی ٢٠١٩/ مێردین

هـ . ب